Ө.Мягмардорж: Маш яаралтай хагалгаанд орох гэж байгаа хүнд зориулж цусаа өгдөг болсон

Нийгэм

1
1836

Ө.Мягмардорж: Маш яаралтай хагалгаанд орох гэж байгаа хүнд зориулж цусаа өгдөг болсон

Төр.мн I Сэтгүүлч

2021-09-28

-Өөрийгөө манай уншигчдад танилцуулахгүй юу?

Намайг Өлийжаргалын Мягмардорж гэдэг. Би 22 настай,

-Цусаа хандивлах сэдэл хаанаас төрсөн бэ?

Манай ээж донор хүн. Намайг цусаа өгөөд үз гэж хэлдэг байсан. Нэг өдөр шууд шийдээд л цусаа өгч эхэлж байсан. Үүнээс хойш амьдралын нэг дадал зуршил болгосноос гадна хоббигоо болгосон.

-Цус хандивлахын ач холбогдлоос хуваалцахгүй?

Цусаа өгч эхэлснээс хойш хоёр сар тутамд нэг удаа цусаа өгдөг болсон. Цусаа өгөхийн ач тус бол маш их. Хамгийн чухал зүйл бол нэг удаа та цусаа хандивласнаар 2-3 хүний амь насыг авардаг. Тиймээс би их сэтгэл хангалуун явж, одоог хүртэлх тасралтгүй цусаа хандивлаж “Оны шилдэг залуу хүндэт донор болсон” гэж боддог.

-Таны ээж донор хүн гэлээ. Ээж тань анх цусаа өгөхдөө ямар шалтгаанаар өгч байсан бэ?

Манай ээж цус өгч эхлэхээсээ өмнө бие нь өвддөг байсан. Ойр, ойрхон ядраад сул байсан юм. Тэгээд цусаа өгөөд эхэлснээс хойш бие нь эрс сайжирч, цовоо сэргэлэн болсон. Миний ээж одоог хүртэлх цусаа өгсөөр л байгаа.

-Харин та цусаа хүнд хандивласнаар бие тань ямар нэгэн өөрчлөлт гарсан уу?

Миний тухайд бол анхандаа хүний амь нас гэхээсээ илүүтэй өөрийнхөө эрүүл мэндийг нэгдүгээрт тавьж сайжруулъя гэж бодож цусаа өгч байсан. Харин түүний дараа хүнд цусаа бэлэглэх талаар бодолтой болсон юм. Одоо зохион байгуулагдаж байгаа үйл ажиллагаанд тасралтгүй оролцож, хандиваа өгөхийг хүсдэг. Өгсөөр байгаа цаашид ч өгсөөр байх болно.

-Цусаа өгснөөр сөрөг үр дагаврууд гардаг гэх яриа байдаг. Энэ талаар?

Хүмүүс тэр дундаа хүүхэд, залуучууд их буруу ойлголттой явдаг юм байна лээ. Цус багатай хүмүүс цусаа өгснөөр цусны дутагдалд ороод байна гэж ярьдаг. Үнэндээ цусаа өгсний дараа 2-3 хоногийн дотор л хүний биеийн цус маш хурдан нөхөгддөг байгаа. Харин ч өтгөрсөн цус нь шингэрч царай зүс орно шүү дээ. Мөн цусаа өгсөх хүн маань бүх шинжилгээнд хамрагддаг. Тиймээс өөрийгөө эрүүл байна уу? өвчтэй байна уу? болж байна уу үгүй юу? гэдгээ өөртөө хянаад явах давуу талтай байдаг

-Та хэддүгээр бүлгийн цустай вэ? Хандив өргөөд хүний амийг амарна гэдэг энэ яваа насандаа хийж буй хамгийн том буян гэж бодож байна.

Би хоёр дугаар бүлгийн цустай. Тэгэлгүй яах вэ, би олон хүний амийг аварсан, маш том буян хийж яваа хүн. Үүгээрээ ч бахархдаг. Сүүлийн үед маш яаралтай хагалгаанд орох гэж байгаа хүнд зориулж цусаа өгдөг болсон.

-Цусаа хандивлаж эхэлснээр таны амьдралд өөрчлөлт бий болсон уу?

Маш их өөрчлөгдсөн. Цусаа өгч эхэлсэн тэр өдрөөс л амьдралын хэв маяг маань арай л нарийн болж эхэлсэн. Жишээлбэл, хүнсний бүтээгдэхүүнүүд дээр хориглох болсон. Учир нь хүний амийг хариуцаж байгаа хүний хувьд нэг талаасаа өөртэй бүх тал дээр хяналттай, хариуцлагатай байх шаардлагатай болж байгаа юм.

-Та бол залуучуудын төлөөлөл. Тиймээс залуучууддаа хандаад уриалга хэлэхгүй юу?

Тэгэлгүй яах вэ, би иргэн тойрны найз, нөхөд, ах дүү, хамаатан садандаа үргэлж энэ зүйлийг талаар ярьж ойлгуулж нэгдүүлж явдаг. Найз нөхдөдөө нэлээн их хэлдэг. Тиймээс залуусаа цусаа хандивлах аянд үргэлж нэгдэж байгаарай. Та нэгдсэнээр хамгийн түрүүнд өөрийнхөө эрүүл мэндийг бүрэн хянана. Мөн таны өгсөн цус гурван хүний амийг аварна гэдэг бол хамгийн том буян юм шүү.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Zochin - 4 жил өмнө

хариулах

4r bulgiin tsustai hun donor boloh gej oroldson tsusni tuv ni tooj bga ch yum alga neg ni utsaa untraasan neg ni zavgui.

ӨМНӨХ МЭДЭЭ

Ө.Мягмардорж: Маш яаралтай хагалгаанд орох гэж байгаа хүнд зориулж цусаа өгдөг болсон

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 1

Онцлох мэдээ

Холбоотой мэдээнүүд