Төр, хувийн хэвшлийн түншлэлийн эрх зүйн орчин болон Монгол Улсын хөгжлийн бодлогын баримт бичигт тусгагдсан түншлэлээр хэрэгжүүлэх төсөл, хөтөлбөрийн талаар сурталчлах, танилцуулах, санал солилцож, хэлэлцэх зорилго бүхий “Төр, хувийн хэвшлийн түншлэлийн форум” зохион байгуулагдлаа.
Эдийн засаг, хөгжлийн яам, Төр, хувийн хэвшлийн түншлэлийн төв ТӨААТҮГ, Азийн хөгжлийн банк хамтран зохион байгуулж байгаа уг форумд Монгол Улсад гадаад улсаас суугаа элчин сайдын яамд, олон улсын байгууллагууд, дотоод, гадаадын хувийн хэвшил, хөрөнгө оруулагчид, иргэний нийгмийн байгууллага болон төрийн холбогдох байгууллагуудаас нийт 250 гаруй зочид, төлөөлөгчид оролцлоо.
Эдийн засаг, хөгжлийн яамны Төрийн нарийн бичгийн дарга И.Батхүү “Төр, хувийн хэвшлийн түншлэлийн форум”-ыг нээж хэлсэн үгэндээ аливаа улс орны хууль эрх зүйн орчин сайн, тогтвортой байх нь дотоод, гадаадын хувийн хэвшил, хөрөнгө оруулагчдад чухал гэдгийг онцлоод манай улсын хувьд ч олон улсын жишигт нийцсэн, тодорхой, ойлгомжтой, тогтвортой хууль, эрх зүйн орчинтой болгох зорилгоор Улсын Их хурал Төр, хувийн хэвшлийн түншлэлийн тухай хуулийг баталсан.
Цаашид ч хууль эрх зүйн орчныг илүү боловсронгуй болгож, хувийн хэвшлийн санаачилсан төслийн шаардлага, үе шатыг бууруулах, мөн орон нутагт хэрэгжих боломжтой, төсөвт өртөг багатай түншлэлийн төслийг хурдан шуурхай хэрэгжүүлэх боломжийг бүрдүүлэх, түншлэлийн төслийн санал гаргасан хугацаанаас гэрээ байгуулах хүртэлх үе шат, зарцуулагдах цаг хугацааг багасгах зэрэг сайжруулалт хийхээр зорьж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
