Электрон спорт сонирхогчдын хүсэн хүлээсэн “MESA Nomadic Masters: Spring 2025” олон улсын тэмцээн өчигдөр Улаанбаатар хотноо албан ёсоор эхэллээ.
Энэхүү тэмцээн нь Монголын Электрон Спортын Холбоо болон Нийслэлийн Засаг Даргын Тамгын Газар хамтран зохион байгуулж байгаа ба нийт $250,000-ийн шагналын сантайгаар Ази, Европ тивийн шилдэг 8 багийг нэг дор цуглуулсан онцгой арга хэмжээ юм.
Тэмцээний гол анхаарлыг татаад буй багуудын нэг бол Германы алдарт “BIG” баг. Тэд бол Counter-Strike-ийн “Major” тэмцээнд долоон удаа оролцсон түүхтэй, дэлхийн шилдэг багуудын нэг юм. “BIG”-ийн ахлагч tabseN болон Krimbo, JDC, kyuubii, hyped нар өнөөдөр Монголд хөл тавьж, аваргын төлөө тулалдахад бэлэн боллоо. Мөн Украйны домогт ‘Dota 2’ тоглогч Dendi-ийн үүсгэн байгуулсан “B8” баг ийнхүү Монголд анх удаа ирж байна. NAVI багаас гараагаа эхэлсэн headtr1ck тэргүүтэй залуу, чадварлаг бүрэлдэхүүн нь дэлхийн чансаанд 22-т бичигдэж буй бөгөөд тэмцээний гол өрсөлдөгчдийн нэг хэмээн тооцогдож байна.
Энэ жилийн хамгийн өндөр чансаатай оролцогчоор Португалын “SAW” баг нэрлэгдэж байгаа юм. Тэд “ESL Challenger Katowice 2024”-т түрүүлж, олон улсын A-tier тэмцээний анхны аваргын цомыг Португалдаа авчирсан билээ. Тус багийг дэлхийн топ багуудын нэг болох “FaZe”-ийг хожиж байсан гэхэд л тэдний түвшин ямар өндөр болох нь тодорхой.
Монгол багуудын хэцүүхэн эхлэл - Эхний өдрийн онцлох тоглолтууд (2025.04.30)
Өчигдөр явагдсан эхний шатны тоглолтууд өндөр түвшний өрсөлдөөн, гэнэтийн үр дүнгээр дүүрэн байлаа.
● SAW (0) – (2) JiJieHao
○ JiJieHao баг SAW-ийг хоёр map дараалан ялж, анхны том сюрпризийг үзүүллээ.
○ SAW-ийн хувьд буцаж хожигдлын шатаар амьд гарах даалгавартай боллоо.
● Heroic (2) – (0) Chinggis Warriors (CW)
○ Heroic баг туршлагаараа CW-ийг хожин итгэл төгс ялалт байгууллаа.
● B8 (2) – (1) The Huns
○ Монголын баг The Huns гайхалтай эргэн ирэлтийг үзүүлсэн ч B8 баг сүүлийн map дээр давамгайлж ялалт авлаа.
● BIG 2 – 1 Eruption
○ Түүхт BIG баг эхний шатанд Eruption-ийн эсрэг хүнд тулаанд орж, шийдвэрлэх map дээр ялалтаа бататгалаа.
“High” шатны тоглолтууд: Playoffs-ын шууд эрхийн төлөө
● Heroic vs JiJieHao
● B8 vs BIG
“Low” шатны тоглолтууд: Хожигдвол тэмцээн дуусна
● The Huns vs Eruption
○ Монголын хоёр баг хоорондоо халз тулж буй энэхүү тоглолтод ялагдсан нь тэмцээнээс хасагдана. Эх орноо төлөөлөн оролцож буй багуудын хувьд энэ бол нэр төрийн тулаан.
● SAW vs Chinggis Warriors
○ Хамгийн өндөр чансаатай оролцогч SAW багт өмнөх алдаагаа залруулж чадвал тэмцээндээ үлдэх боломжтой.
Өнөөдрийн тоглолтуудын дараа Playoffs-д эхэлж шалгарах анхны хоёр баг тодрох бөгөөд тэмцээний хасагдах шат улам хурц болно. Харин хожигдсон хоёр багийн хувьд тэмцээн ийнхүү өндөрлөнө. Тэмцээний Playoffs тоглолтууд 5-р сарын 3, 4-нд АСА Арена-д үзэгчдийн өмнө явагдах болно
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
