Монгол Улсын Засгийн газрын шинэ бүтэц, бүрэлдэхүүний асуудлыг УИХ-ын чуулганы өнөөдрийн хуралдаанаар хэлэлцэж байна. УИХ-ын гишүүн М.Мандхай “Засгийн газрын 2026 оны төлөвлөгөөнд хөдөө аж ахуйн салбарын тулгуур бааз, түүхий эдийн сүлжээг бэлтгэн нийлүүлэх чухал хөтөлбөр болох “Шинэ хоршоо” хөдөлгөөний талаар нэг ч үг, үсэг ороогүйд санаа зовниж байна. Салбарын сайд нь өмнөх санал хураалтаар төлөвлөгөөний төслийг дэмжээгүй, эсрэг санал өгсөн. Одоо үргэлжлүүлээд ажиллах юм байна.
Засгийн газрын тогтоолтой “Шинэ хоршоо” хөдөлгөөн бол нийт хөрөнгө оруулалтын 1/5 нь гараад, 22 мянган малчин, 6 мянга орчим хоршоод хамрагдаад, үр дүнгээ хүртээд явж байгаа.
Шинэ Засгийн газарт энэ хөтөлбөр хаана харьяалагдах нь тодорхойгүй байна. Хоршоог дэмжихгүй бол зөвхөн хөдөө аж ахуй, эдийн засгийн нэгж бус, сум, орон нутгийн ажил эрхлэлт, санхүүг дэмжиж, хөгжил, нийгмийн идэвх, хүнсний аюулгүй байдал, экологийн асуудал хөндөгдөнө. Хөдөө аж ахуйн салбарын хариуцлагагүй байдал ч нэмэгдэнэ. Малчдын амьжиргааг дэмжих энэ хөтөлбөрийг сайд нь дэмжихгүй байгааг дэмжиж өгөөч ээ гэж Ерөнхий сайд, Шадар сайд нараас чин сэтгэлээсээ хүсэж байна” гэсэн юм.
Түүнчлэн хоршоологчдыг чадавхжуулах, менежер, сургагч багш нарыг бэлтгэх, боловсролын хөтөлбөрүүдийг энэ хүрээнд зогсоохгүй үргэлжлүүлэхийг хүсэв
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
