Газар зохион байгуулалт, геодези, зураг зүйн салбарын мэргэжилтнийг чадавхижуулах, боловсон хүчнийг бэлтгэх, давтан сургах, мэргэшлийг нь дээшлүүлэх, дахин мэргэшүүлэх, ажиллах нөхцөл, нийгмийн баталгааг нь хангах хүрээнд Газар зохион байгуулалт, геодези, зураг зүйн салбарын мэргэжилтнийг давтан сургах, мэргэшлийн зэрэг олгох, сунгах, сургалтыг Монголын газар зохион байгуулалтын холбоо ТББ, Монголын газрын менежментийн нэгдсэн эвсэл ТББ, Монголын Кадастрын холбоо ТББ-уудтай хамтран зохион байгууллаа.
Энэ удаагийн сургалтанд хамрагдаж, тэнцсэн мэргэжилтнүүдэд Газар зохион байгуулалт, геодези, зураг зүйн ерөнхий газрын даргын 2025 оны А/389, А/423 дугаар тушаалаар “Зөвлөх инженер” болон “Мэргэшсэн инженер”-ийн зэргийг тус тус олгоод байна. Үүнд:
-Газар зохион байгуулалтын мэргэжлийн чиглэлээр 1 зөвлөх инженер, 38 мэргэшсэн инженер;
-Газрын кадастрын мэргэжлийн чиглэлээр 3 зөвлөх инженер, 12 мэргэшсэн инженер;
Зөвлөх болон мэргэшсэн инженерүүдэд гэрчилгээ, тамга, тэмдгийг Газар зохион байгуулалт, геодези, зураг зүйн ерөнхий газрын дарга А.Энхманлай гардуулан өглөө.
Мэргэшлийн зэрэгтэй салбарын мэргэжилтэнг бэлтгэснээр мэргэжлээрээ ажиллахад Хөдөлмөрийн тухай хуульд заасны дагуу мэргэшлийн зэргийн нэмэгдэл авах, тусгай зөвшөөрөлтэй аж ахуйн нэгжийн үйл ажиллагаанд тавигдах шаардлагын дагуу салбарын мэргэжилтний хувьд оролцох, эрх бүхий байгууллагад бүртгүүлэн зөвлөх үйлчилгээ үзүүлэх зэрэг ач холбогдолтой юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
