Монгол улсад Коронавирус тархаад хөл хорио тогтоож, тэг зогсолт хийх үед өөрийн үзэл бодлоо илэрхийлэхээр Сүхбаатарын талбайн гадна суулт зарлаж, цагдаа нарт хөөгдөж явсан О.Отгонтөгс өнгөрсөн долоо хоногт МУГЖ С.Жавхланг “Панчань” хэмээн дуудаж олны анхаарлыг татаад авсан юм. Түүний чин хүсэл нь төр засагт заларсан хүмүүсийг солихдоо гол нь биш хууль, заалтаа өөрчлөхийг хүсэж байгаа аж.
Тэрээр Орхон аймгийн Эрдэнэт хотын унаган хүүхэд. Эрдэнэт хотод арван жилээ төгсөөд, Худалдаа Үйлдвэрлэлийн дээд сургуульд маркетингаар суралцаж төгссөн. Маркетингаар ажиллахын сацуу сагсан бөмбөг тоглодог нэгэн залуу. Тэрээр 2021 оны 4 сарын 28-аас хойш буюу хөл хорионы үед төр засгийг шүүмжилж эхэлсэн юм. Үүнээс хойш л болж бүтэхгүй зүйлийг шүүмжилж эхэлсэн ч түүнийг дэмжих нэг нь байх ч дарамтлах нэгэн ч бас байна.
Тэрээр нэгэн ярилцлагадаа “Бид нарын ирээдүй дүү, хүүхэд, залуус цалингаа үрдэг, зарцуулдаг, хуримтлуулдаг, аялдаг, зугаалдаг, гэр бүл зохиодог, байр, машинаа авчихдаг ийм л нийгэмтэй болчихвол хангалттай. Би өөр юу ч хүсэхгүй байна. Энэ нийгэмд хүрэхийн тулд төрд гарсан гишүүдийг хэдэн удаа ч өөрчлөөд бүх зүйл хивэндээ өөрчлөгдөхгүй. Хүнээ соль гээд нас ч хүрэхгүй. Төрөөд үхэхийн хооронд нэг л зангаараа байя. Тийм учраас бид нэгдэж дуу хоолойгоо хүргэж хуулиа өөрчлөөсэй, хүн болгон хуулиа уншаасай. 22.1 заалтыг ядаж нэг удаа ч болов уншаад үзээсэй гэж хүсэж байна. Би улстөржөөгүй, миний ард ганцхан ээж минь л байгаа. Би улс төржих ямар ч шаардлагагүй. Би гэр бүл зохиогоогүй болохоороо эрсдэлээс айхгүй шинэ хуулийн тогтолцоог хүсэж тэмцэж байна. Хэрвээ гэр бүл зохиогоод явбал гэр бүлийнхээ төлөө зүтгээд юун тэмцэл өрнөх, амьдралаа бодно. Залуус минь өөрсдийнхөө ирээдүйн төлөө зөв зүйл дээр нэгдэж дуу хоолойгоо төр засагт хүргээсэй гэж хүсэж байна” хэмээн хэлсэн юм.
Like
1
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
