Өмнө нь бид Сонгинохайрхан дүүргийн 28-р тойргийн Улсын их хурлын нөхөн сонгуульд нэр дэвшигчдийн “ХӨРӨНГӨ ОРЛОГЫН МЭДҮҮЛЭГ”-ийг танилцуулж байсан. Тэгвэл энэ удаа нийслэлийн есөн дүүргийн Засаг дарга нарын  “Хөрөнгө орлогын мэдүүлэг"-ийг хүргэж байна.

Сүхбаатар дүүргийн Засаг дарга Х.Болормаа 328 сая төгрөгийн үнэ бүхий үнэт эдлэлтэй

Түүний жилийн орлого нь 334 сая төгрөг. Харин гэр бүлийн гишүүдийнх нь орлого 60 сая төгрөг байна. 1.2 тэрбум төгрөгийн үнэ бү­хий үл хөдлөх хөрөнгөтэй. 269 сая төг­­рө­гөөр үнэлэгдэх Lexus-570, Toyota, Land Cruiser 200 маркийн хоёр авто­машин­тай хэмээн мэдүүлжээ.  90 сая төгрөгөөр үнэлэгдэх газартай бол  328 сая төгрөгийн үнэ бүхий үнэт эдлэлтэй, 651 сая төгрөгийн хад­галамжтай байна. “ЭЙ БИ ЖЙ энерго” ХХК, БДТТ ХХК, “Сити паркин” ХХК, “Манзишир хид” ХХК, “Бат сити” ХХК, “Даш кредит” ХХК, “Дор­гот чандмань” ХХК, “Сүмбэр дельта” ХХК ХХК, “Гэрэлт морь” ХХК, Улаанбаатарын хөлбөмбөгийн хол­боо зэрэг компанид хувь эзэмшдэг.

Баянзүрх дүүргийн Засаг дарга Н.Баярмөнх 6.5 тэрбум төгрөгийн үл хөдлөх хөрөнгөтэй

Түүний жилийн орлого 88 сая бол гэр бүлийн гишүүдийнх нь орлого 124 сая төгрөг байна. 6.5 тэрбум төгрөгийн үл хөдлөх хөрөнгөтэй.  Жийп болон туулах чадвар өндөр, Toyota, LEXUS RX330, Toyota, Land Cruiser 200 нэг.  Энэ хоёр автомашинаа 232 сая төгрөгөөр үнэлжээ.  Мөн 1.2 тэрбум төгрөгийн газар эзэмшдэг бол 65 сая төгрөгийн үнэт эдлэлтэй хэмээн мэдүүлжээ. 32 сая төгрөгийн хадгаламжтай бол 644 сая төгрөгийн зээл авчээ. Засаг дарга Н.Баярмөнх “Старжин” ХХК, “ТИ Эйч Холдингс” ХХК-ийг 100 хувь эзэмшдэг.

Сонгинохайрхан дүүргийн Засаг дарга Н.Алтаншагай 150 сая төгрөгийн үнэ бүхий үл хөдлөх хөрөнгөтэй 

Түүний жилийн орлого нь 23 сая, гэр бүлийн орлого нь 16 сая гэжээ. 150 сая төгрөгийн үнэ бүхий үл хөдлөх хөрөнгөтэй. Hyundai, Sonata-7 хоёр машинтай. Түүнийгээ 42 сая төгрөгөөр үнэлсэн байна. 48 сая төгрөгийн үнэ бүхий 12 үхэр, 9 хурдан удмын адуу, 3 адуу, 39 хонь, 20 ямаатай. 19 сая төгрөгийн газартай, долоон сая төгрөгийн хадгаламжтай, 85 сая төгрөгийн зээлтэй аж.

 Хан-Уул дүүргийн Засаг дарга Ж.Алдаржавхлан нь 120 сая төгрөгөөр үнэлэгдэх үл хөдлөх хөрөнгөтэй

Түүний жилийн орлого 69 сая төгрөг, гэр бүлийн гишүүдийнх нь 14 сая төгрөг байна. 120 сая төгрөгөөр үнэлэгдэх үл хөдлөх хөрөнгөтэй. Nissan, X-Trail маркийн нэг автомашинтай, түүнийгээ 29 сая төгрөгөөр үнэлжээ. 25 сая төгрөгийн хадгаламжтай бол 11 сая төгрөгийн зээлтэй гэж мэдүүлжээ. Хувь эзэмшдэг, компани байхгүй.

Баянгол дүүргийн Засаг дарга Ө.Сумъяабаатар нь 68 сая төгрөгийн газартай 

Баянгол дүүргийн Засаг дарга Ө.Сумъяабаатар 16 сая төгрөгийн жилийн орлоготой. Харин гэр бүлийн гишүүд орлогогүй хэмээн мэдүүлжээ. 365 сая төгрөгийн үнэ бүхий үл хөдлөх хөрөнгөтэй. 45 сая төгрөгийн Lexus, RX 330 автомашинтай. 68 сая төгрөгийн газартай бол 60 сая төгрөгийн үнэт эдлэлтэй. 30 сая төгрөгийн хадгаламжтай бол 100 сая төгрөгийн зээлтэй гэж мэдүүлжээ.

Чингэлтэй дүүргийн Засаг дарга Н.Батсүмбэрэл нь  280 сая төгрөгийн үнэ бүхий үл хөдлөх хөрөнгөтэй   

Түүний жилийн орлого нь 200 сая, гэр бүлийн гишүүд нь 17 сая төгрөг олдог. 280 сая төгрөгийн үнэ бүхий үл хөдлөх хөрөнгөтэй. Lexus, RX 350 нэг автомашинтай бол 59 сая төгрөгийн үнэ бүхий ямаа-150, үхэр-15, тэмээ-4, адуу-20, хурдан удмын адуу-9 мал аж ахуйтай. 20 сая төгрөгийн газар эзэмшдэг бол 80 сая төгрөгийн хадгаламжтай гэж мэдүүлжээ.

Багануур дүүргийн Засаг дарга  С.Даваа­сүрэн нь 720 сая төгрөгийн үнэ бүхий үл хөдлөх хөрөнгөтэй

Багануур дүүргийн С.Даваа­сүрэн нь жилийн орлого 49 сая бол гэр бүлийн гишүүд нь 84 сая төгрөгийн орлоготой. 720 сая төгрөгийн үнэ бүхий үл хөдлөх хөрөнгөтэй. Тээврийн хэрэгсэлгүй. 50 сая төгрөгийн үнэт эдлэлтэй бол 18 сая төгрөгийн үнэ бүхий газар эзэмшдэг гэжээ. 90 сая төгрөгийн зээлтэй бол 90 сая төгрөгийн хадгаламжтай гэж мэдүүлжээ.

 Налайх дүүргийн Засаг дарга Ч.Раднаабазар нь 520 сая төгрөгийн үнэ бүхий үл хөдлөх хөрөнгөтэй

Түүний жилийн орлого нь 128 сая, гэр бүлийн гишүүд нь 79 сая төгрөг олдог. 520 сая төгрөгийн үнэ бүхий үл хөдлөх хөрөнгөтэй. 35 сая төгрөгийн Toyota, Harrier маркийн автомашинтай. Мөн 83 сая төгрөгийн үнэ бүхий мал аж ахуй, 87 сая төгрөгийн үнэт эдлэлтэй гэж мэдүүлжээ. 133 сая төгрөгийн хадгаламжтай бол 255 сая төгрөгийн авлагатай гэжээ.

Багахангай дүүргийн Засаг дарга С.Эрдэнэбаяр нь 155 сая төгрөгийн үнэ бүхий үл хөдлөх хөрөнгөтэй

Түүний жилийн орлого нь 90 сая, гэр бүлийн гишүүд нь 63 сая төгрөг байна. 155 сая төгрөгийн үнэ бүхий үл хөдлөх хөрөнгөтэй. 24 сая төгрөгийн үнэ бүхий Toyota, Highlander маркийн нэг автомашинтай. 92 сая төгрөгийн хадгаламжтай, 30 сая төгрөгийн газар эзэмшдэг, 48 сая төгрөгийн зээлтэй гэж мэдүүлжээ.