Өнөөдөр Нийгмийн бодлогын байнгын хороо хурал зохион байгуулагдлаа. Сангийн сайд Б.Жавхлангийн санаачилгаар ирэх оны төсвийн хуваарилалт, зарцуулалт, бодлогын талаар Соёлын сайд Ч.Номин, Эрчим хүчний сайд Н.Тавинбэх, Батлан хамгаалахын сайд Г.Сайханбаяр, Шадар сайд С.Амарсайхан нар энэ үеэр мэдэгдэл хийсэн билээ.
Тус хурлын үеэр Шадар сайд С.Амарсайхан эм, эмнэлгийн хэрэгслийн нөөц, татан авалтын талаар мэдээлэл өгсөн юм. Тэрээр “Долоо хоног бүр эм ханган нийлүүлдэг 58 байгууллагаас мэдээлэл авахад эм, эмнэлгийн хэрэгсэл 14 хоногийн нөөцтэй байна. Эрээн хэзээ нээгдэх нь тодорхойгүй байгаа. Дахиад 1-2 сар болохыг үгүйсгэхгүй. Яагаад гэвэл Эрээнд хамгийн сүүлийн халдвар бүртгэгдсэнээс хойш 21 хоногийн дараа хилээ нээнэ.
Тиймээс энэ сард татан авах эм, эмнэлгийн хэрэгсэл, тасалдаж болзошгүй хүнсний бүтээгдэхүүнийг төмөр замаар 300 вагоноор татан авах захиалга хийсэн. Энэ эхнээсээ орж ирж байгаа. Ойрын өдрүүдэд Сөүл болон Бээжин рүү дөрвөн онгоц нисгэнэ. Тасалдаж болзошгүй эм, эмийн хэрэгслийг татан авна. Бүх эмийн хэрэгслийг хувийн аж ахуй нэгжүүд тусгай зөвшөөрлөөр татан авчирдаг. Энэ компаниудын захиалгууд хил дээр саатаж байгаа учир Эрээнийг хүлээхгүйгээр Гашуунсухайт, Ханги болон баруун бүсийн Булган, Боршоо боомтуудаар татан авна. Бүр шаардлагатай тохиолдолд ойрын өдрүүдэд нисэх дөрвөн онгоцоор авна. Арваннэгдүгээр сард 200 гаруй тонн шифриз болон бусад эмийн хэрэгслүүд орж ирэх ёстой.
Манайхаас шууд хамааралтай биш хөрш орнуудын хил, гаалиас хамаарсан асуудал. Гэхдээ бид ямар ч байсан аль болох тасалдуулахгүй байх тал дээр бүхий л арга хэмжээг авна” хэмээн яриандаа дурсан юм.
Like
0
Зөв
0
0
Буруу
0
Воов
0
Уйтгартай
0
Дуртай
Шилдэг залуу эрдэмтэн, эмч нар Ерөнхийлөгчийн нэрэмжит шагнал хүртлээ
© 2013-2023. Вэб сайт бүтээсэн: Tsast Solution LLC
