"Богд Зонхов" бурханы цогцолбор хөшөөг барих төсөвт өртөг нь хэд дахин нэмэгдэж батлагдсныг хамгийн сайн мэдэж байсан хүн бол Соёлын дэд сайд М.Батбаяр. Гэтэл асуудлаас бултаж, арьсаа хамгаалсан дэд сайдын дахин нэг ёс зүйгүй үйлдэл цахим орчинд өрнөж байна. Соёлын дэд сайд М.Батбаяр жүжигчин О.Амгаланбаатар руу утсаар ярьж "ДАРАМТАЛСАН" байна.
Саяхан нээлтээ хийсэн "Хиртээгүй сарнай" киноны нээлтийн үеэр жүжигчин О.Амгаланбаатарыг МУСТА тэмдэгээр шагнажээ. Жүжигчний хувьд энэ шагналыг авах хэмжээний уран бүтээл туурвиагүй, соёл урлагийг тэргүүлж ажиллаж чадаагүй ээ, энэ шагналыг авахаасаа ӨӨРӨӨСӨӨ ичиж байна. Гэхдээ цаашид их зүйл хий гэсэн санаа, хичээнээ, баярлалаа" хэмээн бичсэнд эгдүүцэн утсаар ярьж СТА цол тэмдгийг эргүүлэн өг гэж "сүрдүүлжээ". Ингэхдээ шагнал гардуулсан н.Дөлгөөн гэх залууд хариуцлага тооцно гэсэн байна.
Жүжигчин О.Амгаланбаатар энэ тухай өөрийн цахим хуудаснаа ийн бичжээ. Тэрбээр "СТА-аа АЛДЛАА СДА юмаа
Би "Хиртээгүй сарнай" кино нээлтэн дээр гэнэт МУСТА тэмдэгээр шагнуулаад сандарч гайхах, санаа зовохдоо "өөрөөсөө ичиж үхэхээ шахлаа" гэсэн пост оруулсан юм. Тэгсэн өнөөдөр өнөөх тэмдэгийг нь өгдөг соёлын яамнаас нь надруу залгалаа. "Дэд сайд өөрийн чинь постыг харсан байнаа. Ичиж байгаа бол эргүүлээд авчихаж болно" гэсэн утгатай үгийг их тийм дээрээс эвгүй өнгөөр хэлж байнаа. Яам тамганыхан гэхээрээ л ярвайлттай, дээрэнгүй өнгөөр дээрэлхэж харьцдаг байх ёстой юм уу? Эгдүү дургүй зэрэг хүрээд тасалчихлаа. Олон хүмүүс постыг маань ойлгоод баяр хүргээд л байсан юм. Уул нь ухаантай битгий хэл уншиж бичдэг хүнд маш тодорхой ойлгогдохоор "би соёл урлагийг тэргүүлж ажиллаж чадаагүй ээ, энэ шагналыг авахаасаа ӨӨРӨӨСӨӨ ичиж байнаа. Гэхдээ цаашид юм хий гэсэн санаа байхаа хичээнээ, баярлалаа" гэсэн л утга илэрхийлсэн төдий. Юу ч хэлэхэв дээ. Харам олддог тэмдэгийг нь авчихаад хайхрамжгүй үг хэлчихсэн бололтой. Бурхны хөшөө нтр барих гээд завгүй байдаг яамныхандаа буцаагаад өөрөө аваачаад өгчихнөө. Өөрөөсөө тэмдэг авахдаа ичиж байсан бол өнөөдөр та нараас бүр их иччихлээ
Тодорхойлсон МУГЖ С.Өлзийхүү эгчдээ болон Хиртээгүй сарнай УСК-ны хамт олондоо баярлалаа.
Жич: Шагнал гардуулсан Дөлгөөн гэдэг залууд хариуцлага тооцно ч гэх шиг. Халагдсан байвал харин хатуухан тэмцэнээ. Хэлчихье!!! Хийх юмаа олж ядаад хэдэн ажилчдаа халж солихын оронд Богд зонхов барих гэсэн удирдлагуудынхаа шийдвэрт бодол ухаанаа чиглүүлээсэй билээ.
6 хоногийн хугацаатай МУСТА О.Амгаланбаатар" гэжээ.
.JPG)
Like
3
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
