Япон болон Монгол Улсын Засгийн газар хооронд “Ковид-19 халдварт цар тахлын хямралыг даван туулах яаралтай тусламж үзүүлэх хөтөлбөр” хэрэгжүүлэх 883 сая иен хүртэлх буцалтгүй тусламж үзүүлэх гэрээ байгуулсан юм. Үүний хүрээнд өнөөдөр Японд үйлдвэрлэсэн антиген тестийн хэрэгсэлийг Монгол улсад сууаа элчин сайд Х.Кобаяши болон “ЖАЙКА”-ийн Монгол дахь Төлөөлөгчийн газрын дарга Э.Тамура нар Эрүүл мэндийн яамны Төрийн нарийн бичгийн дарга Ц.Эрдэмбилэгт хүлээлгэн өглөө.
Энэ үеэр Элчин Сайд Х. Кобаяшиги: “Монголд халдвар авсан хүмүүсийн тоо буурч байгаа хэдий ч, дэлхийд Омикрон зэрэг шинэ мутацлагдсан хувилбар бүртгэгдсэн тул, цаашид ч анхаарлаа сулруулах болоогүйг харуулсаар байна. Энэхүү генийн дараалал тогтоох тоног төхөөрөмжийг ашигласнаар, мутацлагдсан хувилбарыг богино хугацаанд тогтоон, урьдчилан сэргийлэх арга хэмжээ авахад хувь нэмэр оруулна гэж найдаж байна. Япон Улсын Засгийн газар Монгол Улсад COVID-19 халдварын тархалт эхэлснээс хойш эрүүл мэндийн салбарт тусламж үзүүлж ирсэн бөгөөд энэ онд НҮБ-ын Хүүхдийн сангаар дамжуулан 2 сая 350 мянга орчим Файзер вакцины худалдан авахад санхүүжилт олгосон.
Энэхүү вакцины тусламж нь Монгол Улсын Засгийн газраас хэрэгжүүлж буй Дархлаа сэргээх тун буюу 3 дахь тун мөн 12-оос дээш насны хүүхдийг вакцинжуулахад ихээхэн хувь нэмэр оруулсан гэж бодож байна. Өнөөдөр хүлээлгэн өгч буй эмнэлгийн тоног төхөөрөмж, өмнө нь Япон Улсаас үзүүлсэн тусламжийн адил Монгол Улсын коронавирусын халдвартай тэмцэх арга хэмжээнд хувь нэмрээ оруулна гэдэгт итгэлтэй байна.
Эцэст нь эрүүл мэнд, эмнэлгийн тусламж үйлчилгээний тэргүүн эгнээнд зогсож өнөөг хүртэл энэ халдварт өвчинтэй нүүр тулан өдөр бүр тэмцэж буй Монголын холбогдох бүх хүмүүст гүн хүндэтгэл үзүүлж, талархал илэрхийлье. Япон Улс болон Монгол Улсын Засгийн газрын хамтын ажиллагаа Монголын ард түмэнд аюулгүй, амар амгаланг авчирна” хэмээн хэлсэн юм.
Дашрамд дурдахад тус хөтөлбөрийн хүрээнд Монгол Улсад шаардлагатай байгаа ①Вакцин тээвэрлэх хөргүүртэй машин ②Вакцин зөөвөрлөх ачааны машин ③Вакцин зөөвөрлөх зөөврийн хөргүүр сав ④Эмнэлгийн хог хаягдал хаях аюулгүй хайрцаг ⑤Вакцинжуулалтын мэдээллийг бүртгэх компьютер ⑥Нэмэлт антиген тестийн хэрэгсэл ⑦ Уушигны үйл ажиллагааг шалгах төхөөрөмж ⑧Мутацлагдсан хувилбарыг тогтоох боломжтой генийн дараалал тогтоох, тархвар судлалын тоног төхөөрөмж зэргийг нийлэхээр зэхэж байгаа ажээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
