"Авлигын эсрэг үндэсний чуулган-2021" энэ оны 12 сарын 08-ны өдөр болсон юм. Энэ үеэр МЗХ-ны Ерөнхийлөгч О.Гэрэлт-Од "Таны эрх-Таны оролцоо-Залуус авлигын эсрэг" сэдэвт илтгэлийг хэлэлцүүллээ.
Тэрбээр хэлэхдээ: "Өнөөдөр Монголд хүн авлига өгч төрж авлига өгч үхэж байна. Нийгмийн бүх шатанд, бүх салбарт авлигал байна. Манай улсад авлигал буурахгүй байгаа гол шалтгаан нь авлигын хэрэгт холбогдсон хүмүүс тохирсон ял шийтгэл авахгүй байгаад байна. Авлига авч буй хүмүүс ард иргэдийн асуудлыг шийдэж байгаа гэдэг утгаараа онгирдог. Жирийн иргэд нь тэрхүү авлигачдаар бахархдаг сэтгэл зүйтэй болчихсон. Авлига авсан этгээд хууль шүүхийн байгууллагад шалгагдахад цагдаа, прокурор, шүүх гэх мэт байгууллагуудад авлигалаа өгч тэнсэн аль эсвэл торгуулийн шийтгэл аваад өнгөрдөг асуудал байна.
Ямар ч шийтгэл нь онохгүй байна. Авлигын эсрэг засгийн газраас авлигын индексийг бууруулах ажлын хэсэг гаргаад ажиллаж байгаад бахархалтай байна. Энэ ажил нь үр дүнд хүрээсэй гэж бодож байна.
"Монгол ардын нам 30-р их хурал"-аар авлига, албан тушаалын хэрэгт холбогдсон гишүүдээ албадан чөлөөлнө гэдэг дүрмийн заалт оруулсан байна лээ. Мөн бусад улс төрийн намууддаа уриалмаар байна. Монголын залуучуудын холбооноос авлигын эсрэг "Цагаан гар" аянг өрнүүлж байна. Энэ аяны хүрээнд гурван ажил хэрэгжүүлэхээр ажиллаж байна. Нэгдүгээрт нь, www.avligal.mn сайт нээсэн. Энэ сайтад авлига авсан гэх албан тушаалын нэрд холбогдсон этгээдийн мэдээллийг гаргахаас гадна залуучуудад авилгалын хор нөлөө уршгийг сурталчлан таниулсан сургалт зөвлөгөөнүүд явагдана. "Би авлига авахгүй" челленжийг 21 аймаг, 330 сум, 9 дүүрэгт өрнүүлнэ" хэмээн ярьлаа.
Like
1
Зөв
0
0
Буруу
0
Воов
0
Уйтгартай
0
Дуртай
Torj uhehde bayrlasan setgeleer gar tsailhasnig awilgal geel baihuu uls toriin awilgalch nartaiga anduurad bnuda.
© 2013-2023. Вэб сайт бүтээсэн: Tsast Solution LLC
