Олон улсын болон бүс нутгийн аюулгүй байдлын орчны төлөв, өөрчлөлтийн хандлагад нийцсэн батлан хамгаалах бодлогыг хэрэгжүүлж, улс орны хөгжлийн зорилго, үндэсний язгуур ашиг сонирхолд тулгуурласан уян хатан, оновчтой батлан хамгаалах нэгдмэл тогтолцоог төлөвшүүлэх, Мөн улс орныхоо тусгаар тогтнол, нутаг дэвсгэрийн бүрэн бүтэн байдал, оршин тогтнохуйн аюулгүй байдлыг найдвартай хангах эрхэм зорилготой уг байгууллага нь хугацаат цэргийн лавлагаа, ажилласан жилийн лавлагаа, дайн байлдаанд оролцсон лавлагаа, цол, дипломын лавлагаа гэх мэт лавлагаануудыг хүмүүст гаргаж өгдөг.
Гэтэл лавлагаа авахад маш хүндрэлтэй байгаа талаар иргэдээс гомдол ирсээр...
Тодруулбал, лавлагаа авах тухайн хүн маань онлайнаар захиалга өгөөд 70162939 дугаарт холбогдон хоёр хоногийн дотор 4000 төгрөг төрийн санд тушаан ирж авах шинэ журам гарчээ. Гэтэл энэ нь хөрсөн дээр биеллээ олсонгүй. Батлан хамгаалах яамны ажилчид ажлаа мэдэхгүй, үйлчлүүлэгчдээ үл ойшоосон, хүнд суртал гаргаж, хүмүүст ажил удсаар байгаа юм.
Жишээлбэл, Хөдөө орон нутгаас 60 настай С тэтгэвэрт гарах гээд бичиг баримт бүрдүүлэхээр Улаанбаатарыг зорьсон. Тэрээр ирээд лавлагаагаа авахаар 7 хоног хөөцөлдөн БХЯ-ны үүдийг сахисан хэдий ч авч чадаагүй аж. Учир нь онлайнаар бүртгүүлэх болсныг мэдээд хүн гуйж бүртгүүлсэн боловч утсаар холбогдож ирнэ үү? гэсэн учир 70162939 дугаарын утас руу нь дөрвөн өдөр залгасан боловч нэг ч холбогдож чадаагүй аж. Тэрээр лавлагаагаа аваад нутаг буцах учир өдөр бүр лавлагаа тараадаг тогтмол цаг болох 15:00 цагт ирж асуух болсон. Ажилчид гарч ирэн та утсаар холбогдож ир хэмээн явуулдаг. Гэтэл утас руу нь өглөөний 08:00 цагаас орой ажил тартал нь залгасан боловч огт утсаа авдаггүй...
Ийм жишгээр маш олон хүмүүст чирэгдэл учруулж байгаа нь бодит үнэн юм. Иймд төрийн байгууллага утас руу залгана уу гэдэг хэдий ч иргэд мэдээлэл авахаар албан утас руу залгахад үргэлж ачаалалтай, хүлээлт үүсгэж, нэг авахаар аваад салгах гэх мэт үзэгдэл хаа сайгүй байдаг. Үүний нэг тод жишээ бол Батлан хамгааллын яамны төв архивын газар юм. Үүнийг анхааралдаа авч ажиллахыг иргэд шаардаж байна
Бид энэ талаар 70162939 дугаарт холбогдож асууж лавлах гэсэн боловч мөн л 3 хоног залгаад холбогдож чадсангүй Бид үргэлжлүүлэн сурвалжлах болно.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
