Нэг литр ус өмнөх оноосоо хоёр дахин үнэтэй болжээ

Нийгэм

2
1240

Нэг литр ус өмнөх оноосоо хоёр дахин үнэтэй болжээ

Төр.мн I Сэтгүүлч

2022-01-03

Ковид цар тахлын эдгээр өдрүүдэд гэр хорооллын иргэдэд хүндрэлтэй зүйлүүд ихээхэн тулгарч байгаа. Тодруулбал,нүүрс түлээнээс эхлүүлээд өвөлд базаах толгой өвтгөх зүйлс их. Сайны хажуугаар саар гэгчээр шинэ оны босгон дээр усны үнэ нэмэгдэж иргэдийн бухимдлыг хүргээд авсан юм. Учир нь НЭГ литр усыг НЭГ төгрөгөөр авдаг байсан бол 2022 оны 1 дүгээр сарын нэгний өдрөөс НЭГ литр усыг ХОЁР төгрөгөөр авдаг болсон байна. Энэ талаар иргэдээс тодрууллаа.

Иргэн Г.Батмөнх:

“Он гараад өглөө худаг дээр оочирлоод усаа авах гэтэл хоёр дахин нэмэгдсэн байсан. Өнөөдөр хүмүүс ус авахдаа нэгхэн литр ус аваад явахгүй шүү дээ Дор хаяж 50 литр ус авна шүү дээ. Жишээлбэл, өмнө 50 литр усыг 50 төгрөгөөр авдаг байсан бол 100 төгрөг болсон гэсэн үг юм. Уг нь НЭГ төгрөг байсан бол их зүгээр байсан юм. Өнөөдөр 100 төгрөгөөр ус авах гээд хүүхдүүд мөнгө зээлээч гээд явж байна. 100 төгрөггүй айл хүртэл байна шүү дээ цаана чинь.

Иргэн Б.Оюун:

Ус авдаг хүн л ус авахын зовлонг мэднэ шүү дээ. Томчуудад бол НЭГ литр усыг 2 төгрөгөөр авах нь инээдтэй сонсогдож байгаа байх. Яг бидний амьдрал дээр тулаад ирэхээр 100 литр усаар хоёр л хонодог өдөр бүр 200 төгрөгөөр авна гэдэг бол зарим нэг айлд бол хүнд л байгаа. Хар усыг харамлалаа ч гэж үг байдаг. Харамгүй өгөх ёстой ч гэж боддог. Гэхдээ ингээд улам үнэд ороод байвал үнэхээр асуудал шүү

14 настай Л.Түмээ:

Миний усны мөнгө дутчихсан. Одоо буцаад явах гээд байж байна. Ус ийм үнэтэй болчихно гэж бодсонгүй гараад ирлээ. Гурван сав ус авахад 200 төгрөг болж байна” хэмээн иргэд хэлсэн юм. Ус бол чандмань эрдэнэ. Бид хайрлаж гамнаж байх үүрэгтэй. Гэхдээ өдөр ирэх тусам усны үнэ нэмэгдвэл бид хэрхэн хүлээж авах вэ?

Энэ талаарх мэдээллийг үргэлжлүүлэн албаны хүмүүсээс тодруулах болно.

Нийт сэтгэгдэл 2

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

zochin - 3 жил өмнө

хариулах

1 shirheg tamhiig 250-300 tugruguur avch tatdag bj icheesei ene humuus... bur belen zelen amidraad surchihsan! Uuj, ugaaj, idej hereglehdee heregleg bgaa bol terendee taarsan bish yumaa gehed terniihee uchuuhen hesgiig ch boltugai tulj bh estoi bizde!!! burrr neg archaagui.