Монгол улсын Ерөнхий сайд Л.Оюун-Эрдэнэ төрийн үйлчилгээг "E-Mongolia" цахим системийг ашиглаж дэвшилтэд технологийг нэвтрүүлэхээр ажиллаж байгаа билээ
Тэгвэл тэрээр хэлэхдээ: "Монгол Улсын Засгийн газар цахим үндэстэн болох зорилт дэвшүүлж, “E-Mongolia” цонхонд төрийн байгууллагуудын салангид үйлчилгээг нэгтгэх шийдвэр гаргаж байлаа. Тухайн үед 23 байгууллагын 181 үйлчилгээг авах боломжтой байсан бол өнөөдөр 56 байгууллагын 540 гаруй үйлчилгээг “E-Mongolia”-д та, бид хамтдаа нэгтгэж чадсан байна. Төрийн үйлчилгээ цахимжсанаар өнгөрсөн хугацаанд иргэдэд 3.7 сая удаагийн цахим үйлчилгээ үзүүлж, цахим хэрэглээ зургаа дахин нэмэгдэж, 733 мянган гар утасны хэрэглэгчидтэй болж, иргэдийн цаг хугацаа, бичиг баримт бүрдүүлэлт, унааны зардлаас 46 гаруй тэрбум төгрөгийг хэмнэж чадсан байна” хэмээн илтгэл тавьж байсан нь саяхан.
Гэтэл жолооч хүн бүрт тээврийн хэрэгслийн гэрчилгээг шинээр авах, хаясан гээсэн гэрчилгээг гаргаж авах гээд олон асуудлууд өдөр бүр тулгардаг. Тэгвэл тээврийн хэрэгслийн гэрчилгээг төсвийн мөнгө буюу ард түмний татварын мөнгөөр хэвлүүлэхгүй, цахим хэлбэрт шилжүүлэхийг жолооч нар хүсэж байна.
.png)
Тодруулбал, Авто тээврийн үндэсний төв тээврийн хэрэгслийн гэрчилгээ хэвлүүлэх ажилд 257 сая төгрөг тусгасан. Уг тендерт илүүлэх материалыг 2022 оны 02-р сарын 14-ны өдрийн 09 цаг 30 минутаас өмнө хүлээж авахаар тооцоолжээ. Зардлын санхүүжилтийг “Авто тээврийн үндэсний төв”-ийн "ӨӨРИЙН ХӨРӨНГӨ"-өөр хэвлүүлж байгаа гэж тодотгон дурдсан байлаа.
.png)
Учир нь иргэдийн зайлшгүй биедээ авч явдаг баримт бичгийн нэг бол тээврийн хэрэгслийн гэрчилгээ. Тиймээс цахим болгох баримт бичгийн нэн тэргүүнд тээврийн хэрэгслийн гэрчилгээ орох юм. Харин өндөр өртгөөр хэвлүүлж байгаа цаас болох тээврийн хэрэгслийн гэрчилгээг биедээ авч явахыг жолооч нар эрс эсэргүүцээд байна.
Тээврийн хэрэгслийн гэрчилгээг хэвлүүлж биедээ авч явах нь чухам юунд хэрэгтэй вэ?
Like
3
Зөв
0
0
Буруу
1
Воов
0
Уйтгартай
0
Дуртай
Шилдэг залуу эрдэмтэн, эмч нар Ерөнхийлөгчийн нэрэмжит шагнал хүртлээ
© 2013-2023. Вэб сайт бүтээсэн: Tsast Solution LLC
