Бар жилийн анхны "ЦУСАА БЭЛЭГЛЭХ ӨДӨР"-өөр доноруудыг алдаршууллаа

Нийгэм

0
1216

Бар жилийн анхны "ЦУСАА БЭЛЭГЛЭХ ӨДӨР"-өөр доноруудыг алдаршууллаа

Админ I Төр.мн

2022-02-09

Сар бүрийн 3 “Цусаа бэлэглэх өдөр”-ийн 82 дахь удаагийн арга хэмжээг Цус сэлбэлт судлалын үндэсний төв, Сэтгэлийн 1000 үйлс НҮТББ-тай хамтран зургаа дахь жилдээ зохион байгууллаа.

Нээлтийн арга хэмжээнд "Сэтгэлийн 1000 үйлс" НҮТББ-ын Удирдах Зөвлөлийн дарга Д.Ганзориг, ЦССҮТ-ийн ДЗБТасгийн эрхлэгч Ч.Тунгалаг нар үг хэлэв.

Цус сэлбэлт судлалын үндэсний төвийн санаачлагаар сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, алдаршуулах, урамшуулах зорилготой энэхүү арга хэмжээний үеэр 70 буюу түүнээс дээш удаа цус, цусны бүрэлдэхүүн хэсгээ бэлэглэсэн “Хүндэт донор” Н.Лхажий, Д.Ганбаатар, Т.Мөнхжаргал нарт “ХҮРЭЛ ДОНОР” цол тэмдэг, “Хүндэт донор” Э.Дашгаравт “Бахархал 50”, Г.Энхчимэг, Д.Бадрах нарт ”Бахархал 40” тэмдэг, мөн цусны донор Т.Баатарсүх, Я.Өлзийтогтох нарт ”Бахархал 20”, “Бахархал 10” тэмдгийг тус тус гардуулж баяр хүргэлээ.

Болзол хангаж шагнагдсан доноруудыг хамтран зохион байгуулагч “Сэтгэлийн 1000 үйлс” ТББ-ын гарын бэлэг, СҮҮ ХК өөрийн бүтээгдэхүүний дээжээр урамшуулж хамтран ажиллажээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.