Монголын Залуучуудын холбооны дэд ерөнхийлөгч Н.Амартүвшин төрж өссөн Говь-Алтай аймгийн Тонхил сумын Ерөнхий боловсролын сургуульд 5000 ширхэг амны хаалт хандивлалаа.
Энэ хичээлийн жилд тус сургуульд 450 орчим хүүхэд суралцаж буй бөгөөд 56 багш ажиллагсадтайгаар үйл ажиллагаагаа явуулж байна. Энэ сарын 14-ны өдрөөс эхлэн хичээл 100 хувь танхимаар орж эхэлсэнтэй холбоотойгоор багш, сурагчид халдвар хамгааллын дэглэмийг сайтар баримтлах, 2-3 цаг тутамд амны хаалтаа солих шаардлагатай энэ үед тус сургуулийн 1999 оны төгсөгч, МЗХ-ны дэд ерөнхийлөгч Н.Амартүвшин 5000 ширхэг амны хаалт хандивлан сургуулийн захирал Д.Ганчулуунд хүлээлгэн өглөө.
Н.Амартүвшин “Их хайрханы бэлд орших Тонхил хэмээх буйдхан сумын энэ сургуульд дунд насныхаа боловсролыг эзэмшсэн. Дэлхийг хамарсан халдварт өвчний тархалт буурахгүй байгаа энэ үед төрөлх сургуулийн маань сурагчид тогтмол амны хаалтаа сольж, эрсдэлээс сэргийлж, халдвар хамгааллын дэглэмийг сайтар баримтлаарай.
Сургууль маань Боловсролын чанарын үнэлгээний судалгааны дүнгээр улсын 20 сургуулийн нэгээр шалгарч тэргүүлсэнд баяр хүргэе” хэмээн сургуулийн хамт олон болон сурагчдад амжилт хүслээ.
Тус сургуулийн захирал Д.Ганчулуун “Манай сургуульд 450 орчим хүүхэд суралцаж байна. Хичээл хэвийн явж эхэлсэнтэй холбоотойгоор сурагчид тогтмол амны хаалтаа солих шаардлагатай байгаа. Энэ үед Тонхил сумын сургуулийн хамт олон болон хүүхэд, багачуудад Коронагийн нөхцөл байдлын үед хэрэглэх нэн тэргүүний хамгаалалт 5000 ширхэг амны хаалт хандивлаж буйд талархаж байна. Төгсөгч Н.Амартүвшиндээ баярлалаа” гэлээ.
.jpg)
БСШУСЯ, Боловсролын үнэлгээний төвөөс гаргасан Боловсролын чанарын үнэлгээний судалгаагаар тэргүүлэх амжилт үзүүлсэн Ерөнхий боловсролын улсын 20 сургуулийн нэгээр Говь-Алтай аймгийн Тонхил сумын Ерөнхий боловсролын сургууль шалгарсан юм.
Like
5
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
