П.Мөнхжин, З.Бум-Эрдэнэ нарын “Татлагын нүргээн” номын нээлт боллоо

Төр.мн I Сэтгүүлч

2022-03-14

СУИС-ийн ХУС-ийн залуу багш П.Мөнхжин түүний шавь З.Бум-Эрдэнэ нар өнөөдөр морин хуур, икэлийн уламжлалт татлагуудыг сэргээн хөгжимдөж, баримтжуулсан “Татлагын нүргээн” CD болон номын нээлт боллоо.

Номын нээлтэд СУИС-ийн ХУС-ийн хамт олон, Монголын залуучуудын холбооны ерөнхий нарийн бичгийн дарга Э.Цэнд-Аюуш, МУК-ын захирал МУУГЗ Ц.Пүрэвхүү, МУГБ Ё.Батбаяр, МУАЖ Ч.Батсайхан, ШУ-ны доктор, профессор Л.Эрдэнэчимэг, СУИС-ийн ЭШИГ-ын дарга Ц.Цэвэгсүрэн нар оролцсон юм.

Татлагын нүргээн номд икэл, морин хуурын уламжлалт татлагуудаас 23-ийг сонгон авч гол төлөөлөгч болох 12 икэлч, хуурчдын товч намтар, тэднээс уламжлан өвлөсөн хуурчдын бичлэгийг QR код уншуулан сонсох боломж олгосон нь татлага сурах хүсэлтэй хүмүүс, суралцагсад болон судлаач нарт зүг чигийн баримжаа, хөтөч нь болохоороо онцлогтой аж.

П.Мөнхжин:

Сүүлийн жилүүдэд уламжлалт аргаар хөгжимдөх нь мартагдаж эхэлж байна. Жишээлбэл, Морин хуур хөгжимдөхдөө уламжлалт татлагаа буруу хөгжимддөг. Үүнээс үүдэн ямарваа нэгэн хөгжмийг сольж хөгжимдөх үзэгдэл их болсон. Нэг үгээр хэлбэл өөрсдөө амархан болгож буруу хөгжимдөөд байна гэсэн үг юм. Тиймээс сургуулийн багш бид судалгаа хийж энэ бүгдийг засахгүй бол болохгүй гэдгийг олж харсан юм. Татлагыг нотлох аргыг боловсронгуй болгохгүй бол хадгалж авч үзэхэд хэцүү болдог. Олон жилийн өмнөөс олон янзаар нотолж явсаар одоо Морин хуурчид хараад хөгжимдөхөд их дөхөмтэй болчихсон. Дээрээс нь хальс дээр баталгаажуулж хадгалж авч үлдэх нь их чухал юм. Тиймээс номоо хальсан дээр буулгасан юм. Морин хуур суралцагсад хамгийн түрүүнд түүхээ сайн мэдэж байх хэрэгтэй. Ямар хөгжмийг яаж хөгжимдөх үү? хөгжмийн бүтээл болон ардын уламжлалт татлага, ардын дуунуудыг хөгжимдөхдөө ямар дууг хөгжимдөж байгаагаа судалж мэдэх хэрэгтэй. Түүхээ маш сайн судалж байх хэрэгтэй шүү гэж сурагчиддаа зөвлөмөөр байна.

Нийт сэтгэгдэл 3

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.