“Вертекс Майнинг Партнерс” ХХК нь 2018 оноос хойш одоог хүртэл Ухаа худаг компанид туслан гүйцэтгэгч компаниар ажиллаж байна. Тухайн үед Засгийн газраас экспортыг дэмжих бодлогыг хэрэгжүүлж, энэ бодлогыг дэмжих зорилгоор Хөгжлийн банкнаас том төслүүдийг санхүүжүүлж зээл олгож байсан. “Вертекс Майнинг Партнерс” ХХК Ухаа худаг уурхай дахь төслөөр компанийнхаа үйл ажиллагааг өргөжүүлэх, техник тоног төхөөрөмжөө шинэчлэх шаардлага үүсчээ. Иймд Хөгжлийн банкинд зээлийнхээ хүсэлтийг 2019 оны 5, 6 сард өгч 2020 оны 1-р сард 33 тэрбумын зээлийг авсан байна. Энэ зээл нь тус компанийн дансруу орж ирээгүй бөгөөд шууд хөгжлийн банкны хяналтан дор техник, тоног төхөөрөмж худалдаж авсан байгууллагууд руу шилжүүлэгдсэн байна. Тус компанийн хувьд зээлийн барьцаанд зах зээлийн ханшаар үнэлгээ хийлгэхэд 90 ээд тэрбумын үл хөдлөх, хөдлөх хөрөнгүүд энэ зээлээр авсан техник тонор төхөөрөмжүүд зэргийг бүгдийг барьцаанд тавьжэ.. Уг нь зээл нь жилийн 12.97, сарын 1.07 хувийн хүүтэй.
Тус компанийн захиралын мэдээлснээр "Өнөөдрийг хүртлэх хугацаанд зээлийг хоцрогдол үүсгэхгүйгээр төлсөөр ирсэн. Өнөөдрийн байдлаар 9.6 тэрбумыг зөвхөн хүүд төлчихөөд байгаа. Цар тахлын улмаас манай компани бүтэн 13 сар жил гаран хугацаанд сул зогсолт хийлээ. Энэ хугацаанд ажилгүй орлогогүй болсон маш хүнд туссан. Тийм учраас зээлийн үндсэн төлбөрийн хоцрогдол үүссэн. Гэсэн хэдий ч өнөөөдрийг хүртлэх хүүгээ төлсөөр ирсэн. Одоо бид шинэ төсөл рүү орж байна. Энэ шинэ төсөл маань амжилттай хэрэгжиж байна. Ажилтай болсон учраас орлоготой болж байна. Тиймээс бид үндсэн төлбөрөөсөө 3.2 тэрбумыг төлчихөөд байна. Энэ шинэ төсөл маань цаашид үргэлжлээд явбал бид зээлийн хоцрогдлоосоо 8 сард гарахаар байна. Энэ ондоо багтаад бид үндсэн зээлийн төлбөрөө төлөөд дуусгана" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
