Хөвсгөл аймагт 3 тэрбум 500 сая төгрөгийн санхүүжилтээр “Шинэ хөдөө" төслийг хэрэгжүүлнэ

Төр.мн I Сэтгүүлч

2022-04-06

Ерөнхийлөгч У.Хүрэлсүх “Шинэ хөдөө” төслийг хэрэгжүүлнэ гэдгээ мөрийн хөтөлбөртөө тусгасан. Үүний дагуу төсөл 2022 оноос улсын хэмжээнд хэрэгжихээр болж, төсөвт нэлээд их хэмжээний мөнгө суусан юм

Тодруулбал, Хүнс, хөдөө аж ахуй, хөнгөн үйлдвэрийн сайдын ирэх оны төсөв болох 71 тэрбумын 20 орчим тэрбум төгрөгийг “Шинэ хөдөө” төсөл хөтөлбөрийг хэрэгжүүлэхэд зарцуулах аж. Үүнээс, Сэлэнгэ аймагт 500 сая, Ховдод 3 тэрбум, Баянхонгорт 1 тэрбум, Булганд 1,7 тэрбум, Говь-Алтайд 924 сая, Дундговьд 1 тэрбум, Завханд 200 сая, Төв аймагт 900 сая тусгагдсан.

Тэгвэл Улсын төсвийн хөрөнгө оруулалтаар санхүүжихээр батлагдсан Орон нутгийн хөгжлийг дэмжих “Шинэ хөдөө төсөл” Хөвсгөл аймагт хэрэгжих юм байна.

Тодруулбал, 2022 оны 4-р сарын 01-ний өдөр 3 тэрбум 500 сая төгрөгийн төсөвтэй “Шинэ хөдөө” төслийг Хөвсгөл аймагт гүйцэтгэх тендерийн сонгон шалгаруулалтыг зарлажээ. Уг тендерийг 2022 оны 05-р сарын 02-ны өдрийн 11 цаг 45 минутаас өмнө хүлээж авахаар тооцоолжээ.

Улсын болон орон нутагт хийгдэх ажлуудад улсын төсвөөс олон тэрбум гаргуулж зарцуулдаг ч бодитой үр дүнд хүрдэггүй нь харамсалтай. Шинэ хөдөө гэх төслийг аймаг бүр хэрэгжүүлж байгаа ч ард түмний амьдралд шууд нөлөөлөл нь дутмаг. Үүний оронд иргэдээ дэмжсэн ажлуудыг хийх нь энэ цаг үед хэрэгтай байгааг нутгийн иргэд ярьсаар байна. Учир нь ард түмний эрүүл мэнд, улс орны эдийн засгийн хямралтай эдгээр өдрүүдэд иргэдийн амьжиргаа өдрөөс өдөрт муудаж, инфляц өссөөөр байгаа. Үүнтэй холбогдуулан өнөөдөр ШИНЭ ХӨДӨӨ төсөл чухал уу? иргэдийн амьдрал чухал уу? гэдэг асуудал тулгараад байгаа юм. Иймд улсын төсөв гэх ард түмний хармаанаас гарч буй мөнгийг үр ашигтай иргэд рүү чиглэсэн ажилд анхаарч цаг үеэ мэдэрсэн ажил хийж хэрэгжүүлэхийг иргэд хүсэж байгаа юм.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.