Дархан-Уул аймгийн Засаг дарга Б. Азжаргал нь 2020 оны 11 сарын 10-ны өдөр ажлаа хүлээн авсан. Үүрэгт ажлаа хүлээж аваад багагүй хугацаа өгөрсөн. Цар тахалтай тэмцэж яваа эдгээр онуудад Дарханы төлөө олон ажлуудыг чин сэтгэлээсээ хийж хэрэгжүүлж явдагт Дарханчууд засаг даргадаа ам сайтай байдаг гэж хэлэхэд хилсдэхгүй биз ээ.
Тэгвэл Нийслэл Улаанбаатар хотын төв талбайд төрийн түшээдэд шаардлага хүргүүлэхээр тайван жагсаж байгаа залуус өдрөөс өдөрт нэмэгдэж байгаагийн сацуу орон нутагт байгаа залуус мөн л дор бүрнээ дэмжиж нутгийн төв талбайд жагсаж үзэл бодлоо илэрхийлсээр байгаа юм. Энэ үеэр Дархан аймгийн засаг дарга Б.Азжаргал нутгийн "Иргэдийн нээлттэй индэр" дээр нутгийн иргэддээ хандаж маш ухаалаг мэдэгдэл хийсэн юм. Тэрээр хэлэхдээ "Цаашдаа Дархан-Уул аймгийн нутаг дэвсгэр дээр "Залуучууд театр"-ын өмнө иргэд дуу хоолойгоо илэрхийлэх болвол та нар битгий зөвшөөрөл гэдэг зүйлийг ярьж бай. Энэ залуучууд нийгмийн болж бүтэхгүй байгаа үйл явдал дээр дуу хоолойгоо илэрхийлэхээр болвол зөвшөөрөл битгий авч бай. Шууд очиж бай. Очсон иргэн дээр цагдаа нар өөрсдөө оч. Ямар зорилготойгоор, ямар бүрэлдэхүүнтэй хийгдэж байгаа юм гэдгийг та нар хуулийн дагуу бүртгэж ав. Тэгээд анхаарах зүйлүүдээ хэл. Ямарваа нэгэн цуглаанаас болох аливаа эрсдэлүүдийг та нар бүрэн хариуцдаг шүү гэдгийг нь ойлгуулж хэлж өг. Хийх иргэд бол төрийн байгууллагаас ямар нэгэн зөвшөөрөл хардаг, гурван хоног хүлээдэг. Болсон, болоогүй хариу авдаг ийм байдлыг хүлээн зөвшөөрөхгүй гэдгийг хэлж байна. Тийм учраас энэ Ардчилсан нийгэмд иргэд үзэл бодлоо чөлөөтэй илэрхийлэх боломжийг хуулийн хүрээнд бид нар ингэж хангаж өгч ажилна гэдгийг "Иргэдийн нээлттэй индэр" дээр албан ёсоор хэлье. Тийм учраас Дархан сумын засаг энэ зарчмыг хангаж ажиллах ёстой гэдэг үүргийг албан ёсоор өгч байна" гэлээ.
Like
11
Зөв
0
0
Буруу
0
Воов
1
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
