Жил бүр Хуульчийн мэргэжлийн шалгалтад 1000 гаруй шалгуулагч оролцож 80 орчим хүн тэнцдэг босго өндөртэй шалгалт. Уг шалгалтын бүхий л үйл ажиллагааг өмнөх нийтлэлд дурдсан эхнэрийнхээ рестораны хүнс хоолыг байгууллагадаа шахдаг Хуульчдын холбооны дэд дарга Ш.Жолбарс хариуцдаг.
ӨМНӨХ МЭДЭЭГ УНШИХ БОЛ ЭНД ДАРНА УУ?
Энэ шалгалт яг хуулийн дагуу үнэн зөв зохион байгуулагддаг гэдэгт олон хүн эргэлздэг. Учир нь шалгуулагчид оноо дутсан тохиолдолд дахин гомдол гаргаж нягтлуулдаг. Энэ үе шатаас илт бага оноотой мөртлөө тэнцсэн эрх зүйчид анхаарал татаж эхэлж байна. Шалгуулагч М эх сурвалжийн өгсөн мэдээллээр “Надтай хамт шалгалт өгсөн хүн уг нь тэнцээгүй. Сүүлд тааралдахад хуульчийн гэрчилгээгээ авсан байсан, дахин гомдол гаргаж буй хүмүүсийн өргөдөл гомдол шийдвэрлэх үед хууль бус асуудал үүсдэг байх гэж хардаж байгаа юм. Тиймээс шалгалтын бодлогыг дахин шалгасан байдал, IT мэргэжилтнийг Тагнуулын байгууллагаас шалгах хэрэгтэй гэж бодож байна” гэсэн мэдээллийг өгч байна.
Зарим эх сурвалж “Хуульчийн мэргэжлийн шалгалтын бодлогын тестийг хуульчдын холбоо боловсруулдаг, Гэтэл шалгалтын тестийг нэгэн шалгуулагч хуулж байгаад баригдсан тохиолдол гарч байсныг олон хүн гэрчилнэ. Тухайн үед холбооны Ерөнхийлөгч ч уг асуудлыг хүлээн зөвшөөрч цагдаагийн байгууллагад шалгуулж байсан түүх бий. Тэр асуудал хэрхэн шийдэгдсэн нь мэдэгдэхгүй нам дарагдсан. Мөн тухайн шалгалтын бодлогыг боловсруулсан багийнхан нь ихэвчлэн их сургуулийн багш, шүүгчид байсан гэдгийг би бол гэрчилнэ” гэв.
Хуульчийн мэргэжлийн шалгалт зохион байгуулах үйл ажиллагаа хамгийн их хэл ам дагуулсан, хардлага төрүүлсэн үеүдэд Ж.Хунан, Ш.Жолбарс нарын удирдлага дор болж өндөрлөсөн байдаг. Тэдний хувьд хуульчийн шалгалтын төсвөөс халаасаа зузаатгах, тэнцээгүй шалгуулагчийг тэнцүүлэх гээд таатай боломж байдаг тул хэдэн жил дамнан шалгалтаа “базаж” ирсэн гэж зарим хүмүүс ярьж байна.
Тэд нарын Хуульчдийн холбоонд ажилласан бүх үеийн санхүүтэй холбогдох асуудлыг нэг бүрчлэн шалгаж, хуульчдийн татварын мөнгөөр тансагладаг байдлыг таслан зогсоохийг мэргэжлийн байгууллагад сануулж байна. Хуульчдийн нийгмийн асуудал, сургалт судалгаа гэх мэтчлэн зүй зохистой зарцуулагдах ёстой төсвийг урсгаж байгааг зарим хуульчид эсэргүүцэж санхүү, хуульчийн шалгалтын асуудалд бодитой шалгалт явуулж үр дүнг нь олон нийтэд зарлахыг сануулж манай редакцид хандлаа.
Бид дараагийн дугаартаа Хуульчдийн холбооны эрх бүхий албан тушаалтны гэмт үйлдэлтэй холбоотой асуудлыг нэхэн сурвалжилж олон нийтэд хүргэх болно. Тусгай нэвтрүүлгийн хэсгээс энд сийрүүлэв.
Төр.мн
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
