Ардчилсан намын Ерөнхий нарийн бичгийн даргаар И.Мөнхжаргал томилогдлоо

Улс төрийн намууд

1
1476

Ардчилсан намын Ерөнхий нарийн бичгийн даргаар И.Мөнхжаргал томилогдлоо

Админ I Төр.мн

2022-04-26

АТГ-ын Олон нийтийн зөвлөлийн гишүүн байхдаа Шүүгч нарын эсрэг "жинтэй" дуугарч байсан И.Мөнхжаргал Ардчилсан намын Ерөнхий нарийн бичгийн даргаар томилогдлоо. Тэрбээр АТГ-ын Олон нийтийн зөвлөлийн гишүүнээр ажиллаж байхдаа шүүгч нарын эсрэг олон баримт хэлж, шаардлага тавьж ирсэн.

Тэрбээр "Эрхэм шүүгч нараа та бүгд шинэ хууль, ёс зүйн дүрэм хэн, хэнийг томилдог тухай л яриад байна. Иргэд арай өөр юм хүлээгээд байна. Захиргааны хэргийн 90 орчим хувь нь давж заалдах шатан дээр очдог. Хянан шийдвэрлэсэн нь 909, хэвээр баталсан нь 381, энэ нь 42 хувьтай байна. Өөрчлөлт оруулсан нь 201 буюу 22 хувьтай, хүчингүй болгосон нь 320 буюу 35 хувьтай байна. Эндээс юу олж харах ёстой юм бэ. Нэг бол анхан шатны шүүгч нар чинь "мэдрэл" муутай юм байна. Үгүй бол давж заалдах шатны шүүх дээр авилгал аваад энэ хэргүүдээ хүчингүй болгоод, засаад байна. Иргэд ингэж л бодож байна. Шүүгч нартай уулзаж, би энэ талаар зөндөө асуусан. Юу гэж хариулдаг вэ? гэхээр хэрэг бүхэн шинэ, шийдэж байгаа хуульч, шүүгч бүхэн өөрийн итгэл үнэмшлээр шийддэг гэж тайлбарлаж байгаа. Гэхдээ шийдэж байгаа хууль чинь, ажиллаж байгаа орчин, ёс зүйн дүрэм чинь нэг шүү!. Анхан шатан дээр хүнийг 500 мянган төгрөгөөр торгосон бол давж заалдах шатан дээр тэр нь хүчингүй олдог. Эсвэл нэмэгддэг, эсвэл өөрчлөгддөг. Энэ та нарын мэдлэг боловсролтой холбоотой юм уу, эсвэл тэр авилгатай чинь холбоотой юм уу. Үүнд та нар хариулт өгөх хэрэгтэй” гэж хэлж байсан нь олон нийтийн анхааралд орж байв.

АН-ын Генсек И.Мөнхжаргал нь улс төрчийн хувьд Ардчилсан намын ид уналтын цаг үед Ардчилсан намын Дотоод сонгуулийн хороог удирдаж Ардчилсан намын зарим лидерүүдийн урдаас хүчтэй зогсож чадсан, мерит зарчмаар явж буй Ардчилсан намын залуусын нэг гэдэг. Тэрбээр улс төрчийн дэмжлэг гэхээсээ илүүтэйгээр Ардчилсан намыг ундуу сундуу цаг үед ганцаараа тэмцэж байсан нь түүнийг Генсекээр томилоход нөлөөллөө гэж АН-ынхан ярьж байгаа аж.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Д. Оюунчимэг - 3 жил өмнө

хариулах

И. Мөнхжаргал АН- ын уналтын үед Дотоод сонгуулийг хороог удирдан гацаанаас гаргахын тулд ганцаараа зүтгэж яваа шударга дайчин залуудаа. Амжилт хүсье. Та чадна шүү..