Анх удаагаа Төсвийн хэмнэлтийн тухай хууль баталж, энэ хуулиар Нийслэлийн Засаг дарга хоёр орлогчтой байхаар хуулинд тусгасан юм. Тэгвэл Нийслэлийн Засаг дарга Д.Сумъяабазар зургаан орлогчийнхоо аль хоёрыг нь авч үлдэх вэ? гэдэг нь сонирхол татна.
Тавдугаар сарын 24-ны өдөр Нийслэлийн засаг дарга бөгөөд Улаанбаатар хотын захирагч Д.Сумъяабазар зургаан орлогчоо чөлөөлжээ. Гэхдээ одоогийн байдлаар тушаал, захирамж албажиж гараагүй бөгөөд орлогч нар ажлаа хэвийн хийж байна.
ХОТЫН ДАРГЫН ЗУРГААН ОРЛОГЧ
1. Ж.Сандагсүрэн /Эдийн засгийн хөгжил, төр, хувийн хэвшлийн түншлэлийн асуудал хариуцсан нэгдүгээр орлогч/
2. З.Төмөртөмөө /Нийгмийн хөгжил, боловсрол, эрүүл мэндийн асуудал хариуцсан орлогч/
3. Б.Сүхбаатар /Барилга, орон сууц, үйлдвэр, технологийн паркийн асуудал хариуцсан орлогч/
4. Р.Дагва /Цахим хөгжил, хууль, эрх зүй, төрийн үйлчилгээний асуудал хариуцсан орлогч/
5. Б.Одсүрэн /Авто замын түгжрэлийг бууруулах болон зам, тээврийн асуудал хариуцсан орлогч/
6. П.Баттөр /Ногоон хөгжил болон агаар, орчны бохирдлыг бууруулах асуудал хариуцсан орлогч/
Эдгээр зургаан орлогчоос хоёрыг нь эргүүлэн томилно. Мэдээж хотын дарга хамгийн ойр бөгөөд итгэлтэй бас чадвартай нэгнийг орлогчоороо авч үлдэх нь гарцаагүй.
Ж.Сандагсүрэн: Орлогчоороо үлдэх магадлал өндөр. Учир нь Хотын даргын “баруун гар”. Бас Хотын даргын тойрог байсан Сонгинохайрханыг “базаж” байсан гэдэг утгаараа улирах орлогчийн нэг байх магадлалтай.
Б.Сүхбаатар: Түүний хувьд өнгөрсөн хугацаанд бусад орлогч нараасаа хамгийн сайн ажилласанд тооцогдож буй. Хийж буй ажлаа ч сайн мэддэг. Харин түүнийг эрүүл мэндийн шалтгаанаар “хойш” тавьчихгүй л бол үлдэх орлогчийн нэг мөнөөс мөн.
З.Төмөртөмөө: Их хурлын дарга Г.Занданшатарын “тавьсан” хүн. Улс төрийн хувьд туршлагагүй ч “сайн ах” нарын буянаар хотын орлогч болов. Харин өнгөрсөн хугацаанд залуу хүн гэхэд бусад орлогч нарыгаа манлайлж ажиллаж чадаагүй нэгэн. Г.Занданшатар л “ГАР ДҮРЭХГҮЙ” бол Хотын дарга “ЦҮНХ БАРИГЧ”-ийг улираахгүй нь тодорхой.
Р.Дагва өмнө нь НИТХ-ын даргаар ажиллаж байсан. Нам нь ялсан ч албан тушаалгүй үлдчихдэг түүнд азаар Хотын орлогчийн орон тоо гарч томилогдоод байгаа. Гэвч удалгүй Хэмнэлтийн тухай хуулиар ажлаа өгч байна. Түүнийг Хотын дарга улирааж, авч үлдэхгүй л болов уу!
Б.Одсүрэн анх удаагаа НИТХ-ын төлөөлөгчөөр сонгогдоод шууд л хотын орлогч болсныг бодоход их л мөнгө хаяж, их л том “араар” яриулсан нь тодорхой аж. Хэлсэн үгэндээ ороогдож явсан тэрбээр Хотын даргын итгэлт хүн биш тул үлдэхгүй л лавтай.
П.Баттөр хотын орлогчоор томилогдоод удаагүй. Өмнөх орлогч өөрийн хэлсэн үгнээсээ болж хотын орлогчоосоо “ХУСАГДСАН” бол түүний орыг залгаад явж буй тэрбээр мөн л удахгүй суудлаасаа буух нь.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Шилдэг залуу эрдэмтэн, эмч нар Ерөнхийлөгчийн нэрэмжит шагнал хүртлээ
© 2013-2023. Вэб сайт бүтээсэн: Tsast Solution LLC
