Эгдүүтэй, инээд цацруулсан энэ охиныг Ганзоригийн Эгэл-Үжин гэдэг. Тэрбээр 2013 онд аав, ээжийн хайртай охин нь болон мэндэлсэн юм. Охин одоо 9 настай. Дэггүйтэн тоглож, алим жимс, амттанаар өөрийгөө баясгах энэ л он жилүүдэд антибиотик эм, тарианд хордож байгаа нь үнэхээр харамсалтай ч өвчиндөө шаналж байгаагаа даван туулж эдгэрэх чин эрмэлзэлтэй байгааг түүний инээд цацруулан гэрэлтсэн царайнаас нь илхэн...
Хөөрхөн охин Г.Эгэл-Үжин маань 6 сартайгаасаа гэнэт их мяраалж, хөдөлгөөний хоцрогдолд оржээ. Мэдээж эхэндээ хүүхэд бүр л мяраатай байдаг хэмээн аав, ээж нь бодож эмч, сувилагч нар ч ийн зөвлөгөө өгдөг байж. Гэтэл нэг л өдөр энэ бүхэн худал болж Үжингийн гэр бүл асар их зовлон шаналалтай нүүр тулсан юм.
Охин их мяраалсаар сүүлдээ сэргээн засах эмчилгээ хийлгээд ч нэмэргүй болж аажим, аажмаар дөрвөн мөч чангаралттай болж саажилт үүссэн байна.
Мэдээж охиноо хөл дээр нь босгохын тулд аав, ээжийн сэтгэл, зүтгэл хаа хүртэл явна тэр хүртэл явж байгаа нь залуу гэр бүлийн хувьд маш хүнд. Олон ч бэрхшээлүүдтэй нүүр тулж байгаа нь тодорхой. Тэд хөөрхөн охиноо хөл дээр нь босгохын тулд гадаад, дотоодын олон ч эмнэлэг, эмч нарт ханджээ.
Их л гүйснийхээ үр дүнд Бүгд Найрамдах Энэтхэг улсын ААКHASH HEALTHCARE эмнэлгээс “Ризотоми болон гар, хөлийн булчин суллах, шөрмөс сунгах, тунх засах зэрэг мэс заслуудыг хийлгэснээр хөл дээрээ босох бүрэн боломжтой гэсэн сайхан хариуг сонсжээ.
Харин одоо тэднийг хамгийн ихээр шаналгаж байгаа зүйл бол яахын аргагүй МӨНГӨ. Тус эмнэлгээс урьдчилсан байдлаар 106 сая орчим төгрөгийн эмчилгээний зардлын тооцоог ирүүлжээ.
Г.Эгэл-Үжингийн аав, ээж нь сурган хүмүүжүүлэгч залуу багш нар юм. Мэдээж төрийн албаны ажилтны цалин тэдний амьдралд чүүтэй айтаа хүрч байхад охиноо эмчлүүлэх мөнгө тэдэнд байхгүй нь лавтай Тэдэнд эмчилгээгээ хийлгэхээр гадагшаа явахад нэг сарын хугацаа үлдэж. Нэг сарын хугацаанд урьдчилсан байдлаар 106 сая орчим төгрөгийг бүрдүүлэх үнэхээр хүч мөхөстөж байгаагаа охины аав, ээж нулимс дуслуулан хэлсэн юм.
Тиймээс охиныг хөл дээр нь босгох эцсийн найдвар нь элэг нэгт Монголчууд та бүхэн минь юм.
Халуун сэтгэлт Монгол түмнээсээ тусламж хүсэхээс гадна тэд хандивын аяныг ч зохион байгуулж байна. Тиймээс нийтийн дууны сор болсон дуучдын бүтээлийн тоглолтыг үзэж халуун сэтгэлт Монгол түмэн минь хөөрхөн охин Г.Эгэл-Үжингээ хөл дээр нь босгоход туслаач хэмээн нийт МОНГОЛЧУУДААСАА хүсэж байна.
Сайн үйлс бүхэн дэлгэрэх болтугай
Буян нь буцаад ирэхдээ хур бороо мэт асгарах болтугай!
Like
1
Зөв
0
0
Буруу
0
Воов
0
Уйтгартай
0
Дуртай
Бид та бүхний тоглолтыг үзэж амжихгүй ч гэсэн зарим нэг нь хүмүүс нь очоод үзэх байх гэж бодож байна. Нэг л энэ охин эмч нарын ачаар хөл дээрээ босоод гүйчих байхаа гэж бодож байна..
© 2013-2023. Вэб сайт бүтээсэн: Tsast Solution LLC
