Тодруулбал, Булган аймгийн Тэшиг сумын Далан багийн “Эмээлчир” гэдэг газар 11 хүн зугаалж явснаас 1 хүн Эг голын усанд завьнаас унаж живсэн тухай дуудлагыг 05.22-ны өдрийн 16:22 цагт хүлээн авсан. Түүнээс хойш эрэн хайх ажиллагааг явуулсаар ирсэн бөгөөд зургаадугаар сарын 08-ны өдрийн 08:00 цагаас эхлэн тус сумын Далан багийн “Эмээлчир” гэдэг газраас Хутаг-Өндөр сумын Хонгор багийн “Сайдын тохой” гэдэг газар хүртэл 50 км-т эрэн хайх ажиллагааг зохион байгуулсан боловч үр дүнд хүрээгүй тул 21:30 цагт түр зогсоосон байна. Өнөөдөр 08:00 цагт дахин эхлүүлжээ.
Архангай аймгийн Ихтамир сумын Хан-Өндөр багийн Өгөөмөр гэдэг газар /аймгийн төвөөс баруун хойд зүгт 50 км-т, сумын төвөөс баруун зүгт 25 км-т/ Ихтамир сумын харьяат малчин Г-нь 06.06-ны өдөр тус аймгийн Булган сумын төвөөс мориор гэрлүүгээ явж байгаад сураггүй болсон тухай дуудлагыг 06.08-ны өдрийн 10:04 цагт хүлээн авсан.
Тус аймгийн Онцгой байдлын газар, тус сумын Засаг даргын Тамгын газрын ажилтнууд иргэн Г/51 настай, эрэгтэй/-ыг эрэн хайх ажиллагааг Булган сумын Зуунмод багийн “Халтар-Ангархай” гэдэг уулаас Ихтамир сумын Хан-Өндөр багийн “Дэнж” гэдэг газар хүртэл 30 км-т зохион байгуулсан боловч үр дүнд хүрээгүй тул 21:30 цагт түр зогсоосон. Мөн өнөөдөр 07:00 цагт дахин эхлүүлсэн.
Дундговь аймгийн Сайнцагаан сумын Далай багийн Овоогийн жирэм гэдэг газар /аймгийн зүүн урд зүгт 30 км-т/Тус сумын харьяат иргэн Ө-нь 06.08-ны өдөр явганаар мал хариулж яваад сураггүй болсон тухай дуудлагыг 06.09-ний өдрийн 05:20 цагт хүлээн авсан. Тус аймгийн Онцгой байдлын газрын алба хаагчид, ар гэрийнхэн иргэн Ө/50 настай, эмэгтэй, сэтгэцийн эмгэгтэй/-г эрэн хайх ажиллагаа зохион байгуулж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
