ЭМЯ, ЦССҮТ-ийн санаачилгаар 2015 оноос эхлэн сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, тэднийг алдаршуулах зорилгоор Сар бүрийн 3-ны өдрийг “Цусаа бэлэглэх өдөр” болгон тэмдэглэж ирсэн. Ийнхүү “Цусаа бэлэглэх өдөр”-ийг бид 75 дахь удаагаа тэмдэглэн өнгөрүүлэх гэж байна.
Энэ удаагийн арга хэмжээг ЦССҮТ-ийн Ерөнхий захирал Н.Эрдэнэбаяр нээн үг хэлж, тогтмол хугацаанд цусаа бэлэглэн, цус цусан бүтээгдэхүүний нөөц бүрдүүлэхэд үнэтэй хувь нэмэр оруулж буй донорууддаа талархал илэрхийлэн, гарын бэлэг гардууллаа.
Тодруулбал, 70-аас дээш удаа цусаа бэлэглэж 210 хүний амь аварсан Б.Даваадоржийг “Хүрэл донор” тэмдгээр өргөмжилж, алдаршууллаа.
Мөн “Бахархал-50” тэмдгээр Т.Айна, Ө.Саранчимэг, “Бахархал-40” тэмдгээр Д. Болормаа, “Бахархал 30” тэмдгээр Т.Энхбат, Ц.Сонор, Бахархал-20” тэмдгээр Д.Хаянхярвааг тус тус алдаршууллаа.
Ковид 19 цар тахлын үед Монгол улсын засгийн газраас халдварын тархалтыг таслан зогсоох, голомтыг хумих зорилгоор хөл хориог шат дараатайгаар 4 удаа тогтоож, ард иргэдийг вакцинжуулах ажил эхэлсэн. Улмаар цус, цусан бүтээгдэхүүний нөөц, хангамжийг бүрдүүлэхэд бэрхшээлтэй болж, нөөц буурсан.
Иймд цаг үеийн нөхцөл байдалтай холбогдуулан ЦССҮТ өнөөдрөөс эхлэн "ЦУСАА БЭЛЭГЛЭЖ, ЦОХИЛОХ ЗҮРХ БҮХНИЙГ АВАРЪЯ" нэртэй 3 сарын идэвхжүүлэлтийн аяныг улс орон даяар зохион байгуулах гэж байна.
Тус аян нь иргэд, олон нийтэд сайн дурын авлагагүй цусны донорын үйлсийг сурталчлан таниулах, байнгын цусны донорын эгнээг өргөжүүлэх, цус, цусан бүтээгдэхүүний нөөцийг нэмэгдүүлэх ажлыг эрчимтэй зохион байгуулахад оршино гэв.
2019 оны 5 сараас 2021 оны 5 сарын цус цуглуулалт 488 нэгж буюу 20 хувиар буурсан бол цус, цусан бүтээгдэхүүний үйлдвэрлэл 16,8 хувиар, цус, цусан бүтээгдэхүүний хэрэглээ 0,08 хувиар буурсан үзүүлэлттэй байна. Харин улаан эсийн бүтээгдэхүүн 2019 оны 5 сард 2293 нэгж байсан бол 2021 оны 5 сард 234 нэгж буюу 10 дахин буурсан бол сийвэн 25 хувиар буурчээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
