Иргэн Б.Цэдэнбал улсад 27 жил ажилласан. 1994 оноос эхлэн судасны бөглөрөл гэх онош тогтоогдож 20 гаруй удаа хагалгаанд орж 3 мөч, 1 хуруугаа тайруулж хөдөлмөрийн чадвараа бүрэн алджээ. Түүнийг судасны бөглөрөл өвчнөөр оношлогдох хүртэл Монгол улсад энэ өвчний талаар мэдээлэл, эмчилгээ хомс байсан учраас өөртэйгөө адилхан өвчтэй хүмүүст эмчлэгдэх боломж, энэ өвчнийг нь судлах судалгаа болгож маш олон удаа туршилтын хагалгаануудад орж байсан ч иргэн Б.Цэдэнбалын хөдөлмөрийн чадвар алдалтыг 90 хувь гэж тогтоожээ. Тэрээр саяхан хөгжлийн бэрхшээлтэй, эрхээ хамгаалах чадваргүй олон иргэдийн дуу хоолой болж талбай дээр гарч ирж мэдэгдэл хийлээ.
Түүний охин Ц.Налжирмаа:
“Би аавыгаа 20 гаруй жил үүрч эмнэлгээр явсан. Өвчтэй аавыгаа үүрээд эмнэлгээр явж байхдаа ганц өдөр ч гэсэн бага өвдөлт мэдрүүлэх юмсан л гэж хичээдэг байлаа. Олон жил эмнэлгийн үүд сахиж эдийн засаг, цаг хугацаагаа алдаж яваа хүмүүсийн зовлонг эрүүл хүмүүс ойлгохгүй. Аавынхаа хөдөлмөрийн чадвар алдалтыг тогтоолгохоор группын хурлаар орохоор харваас 100 хувь хөдөлмөрийн чадвараа алдсан хүнийг 90 хувь гэж тогтоодог. Энэ өвчний заалт нь хуулиндаа байдаггүй. Төрийн байгууллагууд нь хоорондоо уялдаа холбоо байдаггүй, хүнд сурталтай” гэж байлаа.
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
