Мөсний ханхүү Юзүрү Ханю зодог тайлна

Спорт

0
1154

Мөсний ханхүү Юзүрү Ханю зодог тайлна

Төр.мн I www.tur.mn

2022-07-19

Олимпийн хоёр удаагийн аварга Юзүрү Ханю уран гулгалтын спортоо орхихоор шийдсэн талаар эх сурвалжууд өнөөдөр/2022.07.19/ мэдээллээ. Өдгөө 27 настай түүний хувьд яахын аргагүй уран гулгалтын спортын бүх цагийн үеийн шилдгүүдийн нэгт зүй ёсоор тооцогдох бөгөөд зодог тайлах талаараа удахгүй хэвлэлийн хурал хийн зарлах юм.

Юзүрү Ханюгийн хувьд олимпийн алтан медалиас гадна ДАШТ-д хоёр удаа, Гран при финалд дөрвөн удаа, “Four Continents”-д нэг удаа тус тус түрүүлж байв. Гэвч сүүлийн жилүүдэд бэртэл гэмтэлд нэрвэгдэж, Бээжингийн олимпод хүссэн амжилтаа үзүүлж чадаагүй билээ.

Мөсний ханхүү гэгддэг Япон залуу Бээжингийн олимпийн эрэгтэй ганцаарчилсан төрлийн богино үзүүлбэр дээрээ наймдугаар байрт жагсч, тааруу эхлэл тавьсан ч чөлөөт үзүүлбэр дээрээ өндөр авч, дөрөвдүгээр байр эзэлсэн юм. Ингэхдээ тэрбээр баруун шагайдаа бэртэлтэй байсан байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.