Гуравхан сая Монголчуудыг яагаад сайхан амьдруулж болохгүй байна вэ?

Нийгэм

Гуравхан сая Монголчуудыг яагаад сайхан амьдруулж болохгүй байна вэ?

Б.Шүрэнцэцэг I Төр.мн

2022-08-02

Бид үнэндээ мэдлэг боловсролгүй сэтгэлгээний ядууралтай байгаагааасаа болж газар нутгаа сэндийлүүлж эх орон, иргэдэд наалдах юмгүй үлдэж байна. Дэлхийн олон улс байгалийн баялагаа зөв зохистой ашиглаж хөгжсөн түүхтэй.

Түүний нэг жишээ бол Катар улс юм. Тус улс багахан хэмжээний нефтийн баялагтай байсан ба түүнийгээ зөв зохистой ашиглуулж байгалийн баялаг нь шавхагдах үед аялал жуулчлалын улс болтолоо хөгжсөн. Үндсэн иргэд нь цөөхөн бөгөөд ажиллах хүчийг гадны орноос татдаг зөв менежменттэй улс. Өөр нэгэн жишээ Дубай хот энэхүү хот 30 жилийн өмнө элсэн цөл байсан гэтэл өнөөдөр дэлхийн хамгийн баян хотуудын нэг болон хөгжиж чадсан.

Бид яагаад өдөр шөнөгүй баялагаа зөөлгөж байж ядуу хоосон амьдарч байна вэ?

Дундаж цалин нь сая хүрэхгүй өртөг өндөр, үйлдвэрлэж чадахгүй хоёр хөршөөсөө хараат хүнсээ ч өөрсдөө хангаж чадахгүй байгаа нь эмгэнэл гэлтэй. Бидэнд Оюутолгой, Тавантолгой, Эрдэнэт зэрэг дэлхийд эхний 10т жагсдаг нөөцтэй ордууд байна. Энэ бол зөвхөн иргэдийн мэдэж байгаа уурхайнууд. Иргэдийн мэдэхгүй өдөр шөнөгүй баялагийг нь зөөж байгаа Дорнод аймгийн Тамсагийн нефть, Говь-Алтай аймгийн Алтайн хүдэр, Ховд аймгийн Хөшөөт зэрэг Оюутолгой, Тавантолгойтой дүйцхүйц уурхайнууд ажиллаж байна. Энэ их баялагийн үр шиг хэдэн эрх баригчид, бизнес эрхлэгч нэртэй луйварчид л байна. Монгол иргэн хүнд үр шим нь ирдэггүй юм аа гэхэд иргэдийн тав тухтай амьдрах оршин нөхцлийг бүрдүүлэх ажлыг нийгмийн хариуцлагын хүрээнд энэ олон уурхайнууд яагаад хийдэггүй юм бэ? үүнд яагаад төр хяналт тавьж улс орноо боддоггүй юм бэ?

Үнэндээ 200км замыг 5 жил бариад ч ашиглалтад оруулж чадахгүй байгаа нь хэний буруу вэ? үүнд яагаад төр зөв менежмент хийж чадахгүй байна вэ? яагаад ийм байдалд хүргэсэн хүмүүстэй хариуцлага тооцож чадахгүй байна вэ? яагаад? Яагаад? Яагаад?...

Төрийн хэмнэлтийн хууль өнөөдөр хэрэгжих нь бүү хэл улам хавтгайрсан үрэлгэн зардлууд бий болж байна. Дэд захирлуудыг чөлөөлж ижил төстэй албан тушаалд тавихгүй гэж хууль баталсан гэтэл үнэндээ хошин шог гэлтэй. Дэд захирлууд газрын дарга болж ижил эрх үүрэгтэй ажиллаж байгаа нь юун хэмнэлт ...

Иргэд тэнэг биш шүү энэ хэвээрээ эрх баригчид явбал хамраараа газар хатгах бий...

Төр.мн

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.