Өнөөдөр Баянзүрх дүүргийн онцгой комисс цаг үеийн асуудлаар яаралтай хуралдаж үер ус, “Ковид-19” цар тахлын нөхцөл байдал, ойрын хугацаанд хийж байгаа бүтээн байгуулалтын ажлуудад тулгамдаж байгаа асуудлаар холбогдох шийдвэрүүдийг гаргалаа.
Хурлаар дүүргийн Эрүүл мэндийн төв, Онцгой байдлын хэлтэс цаг үеийн нөхцөл байдлын хүрээнд хийж хэрэгжүүлж буй ажлын талаар мэдээлэл хийж, дүүргийн Засаг дарга Н.Баярмөнх дүүргийн хэмжээнд үүсээд байгаа нөхцөл байдлын талаар холбогдох хэлтэс албадын дарга нарт үүрэг чиглэл өглөө.
Шуурхай хуралдаанаар Ковид цар тахлын нөхцөл байдлын хүрээнд гэрийн тусгаарлалтанд байгаа иргэдэд тавих хяналтыг сайжруулах, өрхийн эмнэлэгүүдийн үйл ажиллагааг иргэдэд хүртээмжтэй хүргэх, түргэн шуурхай ажиллахыг анхааруулж Эрүүл мэндийн төвд үүрэг болголоо.
Түүнчлэн үер усны улирал эхэлж байгаатай холбогдуулан үерийн аюулаас урьдчилан сэргийлэх, бэлэн байдлыг хангаж ажиллах талаар холбогдох албаны хүмүүст дараах чиглэлүүдийг өглөө. Үүнд: Үерийн ам дээр буусан айлуудын судалгааг шинэчилэн, мэдэгдэл хүргүүлэх, онцгой нөхцөлд ажиллах шаардлагатай техник тоног төхөөрөмжийн бэлэн байдлыг хангах, хүн хүчийг нэмэгдүүлэх, үер усны дуудлага өгсөн газрууд дээр шуурхай очиж ажиллах, цаашлаад дуудлагын тоо нэмэгдэж хүн хүч шаардлагатай үед Тохижилтын хэлтэс, Цэргийн штаб хамтран дайчилгааны цэргүүдийг татан оролцуулах, Сэлбэ гол, Улиастайн голын дагуу онцгой байршлуудад ажиллах хуваарь гаргаж ажиллах, үерийн бүсэд суурьшиж байгаа айл өрхүүд, тэр дундаа 10, 21, 23, 27-р хороодын иргэдэд чиглэсэн арга хэмжээ авч хэрэгжүүлэхийг анхаарууллаа.
Борооны улиралд орон сууцны граж усанд автах эрсдэл үүсдэг тул СӨХ-дыг ус соруулах төхөөрөмжтэй болгох шаардлага хүргүүлэхийг Дүүрэг хөгжлийн төвд үүрэг болгов.
Дүүргийн Онцгой комиссын хурлаар эрүүл ахуйн шаардлага хангаагүй нөхцөлд үйл ажиллагаа явуулж байгаа ТҮЦ-үүдэд шалгалт явуулан, шаардлага хүргүүлж холбогдох арга хэмжээ авахаар шийдвэрлэлээ.
Үүний зэрэгцээ мал бүхий иргэд зөвшөөрөлгүй цэгт мал худалдаалж буй асуудлыг цэгцлэх үүрэг өгсөн юм. Мөн гэр хорооллын гудамж талбайн ариутгалын халдваргүйжүүлэлтийн ажлыг ирэх 7 хоногт зохион байгуулахаар боллоо.
Like
0
Зөв
0
0
Буруу
0
Воов
0
Уйтгартай
0
Дуртай
Hooooe urhiin heregtseenii 0.7ga gazraa avch chadaagui humuus ni avmaar bnaa.ueriin aman deer buuhaas uur songolt uguhgui yum..
© 2013-2023. Вэб сайт бүтээсэн: Tsast Solution LLC
