Авто хүлэг сонирхогчдын удаан хүлээлт үүсээд байсан Toyota компанийн "Land Cruiser" 300 загварын автомашин худалдаанд гарлаа. 2021 оны 6 сарын 10-ны шөнө дэлхийн дахинд нээлтээ хийж Land Cruiser 300 автомашины захиалга дүүрсэн байна.
LC-300 загварт GA-F хэмээх тэнхлэг суулгажээ. Хэлбэрийн хувьд Land 200-ынхтай адил боловч хэд хэдэн сайжруулалт хийснээр засмал, бартаат зам дээр явах чанарыг эрс сайжруулсан байна.
Ерөнхий бие нь ган, үлдсэн хэсэг нь хөнгөн цагаанаар хийгдсэн. Үүний ачаар жин нь өмнөх загвараас 200 кг-аар хөнгөн болж, бат бөх байдал нь 20 хувиар нэмэгджээ. Мөн хүндийн төв нь бага зэрэг шилжиж тэнхлэгийн дагуу массын хуваарилалт хамгийн тохиромжтой түвшин буюу 53:47 болсон байна.
Land 300-д V6-г суулгасан бөгөөд 3.5 литрийн 415 морины хүчтэй бензин, 3.3 литрийн 299 морины хүчтэй дизель хөдөлгүүртэй гэсэн 2 загвар худалдаанд гарчээ. Эдгээр загварын аль аль нь 10 шатлалт автомат араатай юм.
Мөн дэлхийн анхны автомат ажиллагаатай тэнцвэржүүлэгч систем буюу e-KDSS системийг уг автомашинд ашигласан байна. Энэхүү систем нь засмал замын жолоодлогын үед тав тухтай, мөн найдвартай, тэнцвэртэй эргэлтийг хийх боломжийг олгох бол бартаат замын үед тэнхлэгийн суналтыг нэмэгдүүлж дугуйг замтай харьцах боломжтой болгох юм.
Түүнчлэн замын гадаргууг автоматаар мэдэрч жолоодлогын горимыг тохируулах AUTO MULTI TERRAIN модультай хийгдснээр LAND-300 загварыг гол онцлог юм.
2021 онд Land Cruiser марк үүссэний 70 жилийн ой тохиож байна. Тэгвэл 15 жилийн ноёрхолтой LAND-200 халаагаа өгч 70 жилийн түүхэн ойгоор ийнхүү LAND CRUISER-300 загвар худалдаанд гарлаа.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2021
