Улаан нарсны мөөг нь нэг зүйлийн хүнсний үнэтэй мөөг бөгөөд олон улсын мөөгний зах зээлд шилдэг арван мөөгний нэг болдог. Амт нь сайхан, хүний биеийн цусан дахь өөх тос, сахрын хэмжээг бууруулах, тайвшруулах зэрэг олон чадавхтай. Хүнсэнд хэрэглэхээс гадна эмийн материал болно. Энэ төрлийн мөөг нь халуун цаг агаарт ургадаггүй, агаарын температур 30 градус давахад ургалт нь зогсдог. Байлан багийн цаг агаар зуны удиралдаа 30 градусыг давах өдөр тун цөөн байдгаас мөөг ургахад тухтай орчин нөхцөлийг бүрдүүлжээ.
Рашаан хотын Байлангийн “Хаошэнь” ойн бүтээгдэхүүний ХХК-ийн ажилтан “2021 онд Байлан нутгийн цаг агаар, хөрс, агаарын температур, усны чанар зэргийн нөхцөл байдалд судалгаа хийж, нийцсэн нөхцөл байдалд компани нь өнгөрсөн оны 06-р сарын дундуур 760 мянган юанийн хөрөнгө оруулалт хийж, 11 хүлэмж туршин ажиллуулсан. Үр дүн сайн байснаар энэ жил нэмээд 41 хүлэмж болголоо. Өнгөрсөн оны 08-р сард нэг хүлэмжээс 1000 кг мөөг хурааснаас гуравны нэг хувийг Бээжин рүү, гуравны нэг хувийг нь Фүжянь мужийн Фүтянь хот руу борлуулж, бусад гуравны нэг хувийг нь бүтээгдэхүүн болгосон. Энэ жил тус компани нь Байлан багийн 50 гаруй иргэдийг мөөг түүх ажилд оролцуулж хүн бүрт өдөрт 150 юанийн цалин өгсөн. Хойшид мөөг тарих хүлэмжээ нэмэгдүүлж, нэг ажилтанд нэг хүлэмж хариуцуулан, гурван сарын хугацаанд хүн бүрт 15 мянган юанийн цалин өгч байхаар төлөвлөж байна. Мөн олон хүнийг хамруулж ажлын байраар хангахад нь тусална.
Мөөгөө олон төрлийн бүтээгдэхүүн болгон боловсруулах талд сайн ажиллаж, мөөг тарих талбайгаа нэмэгдүүлэн Хянган аймгийн хамгийн том мөөг тарих бааз болгохоор зорилт тавин ажиллаж байна” гэв.
Хянган аймгийн Байлан ойн газрын дарга Лю Хүйшин хэлэхдээ “Экологи, ард түмний амьжиргааг сайжруулах үүднээс Рашаан хотын Байлангийн “Хаошэнь” ойн бүтээгдэхүүний ХХК-ийг байгуулж, мод тарьж арилжаалах уламжлалт бизнесийн арга барилаа өөрчлөн, экологийг хамгаалах, мод тарих арга авч, аялал жуулчлал, ойн бизнесийг хөгжүүлснээр байгаль орчинд түшиглэн орлого олж олон хүнийг ажлын байраар хангах асуудлыг шийдсэн. Байгалийг онгон төрхөөр нь байлгах нь алт мөнгөнөөс ч үнэтэй” гэлээ.
Зохиогч: Бэлтгэсэн: Д.МӨЧИР, Х.АРВИНТАЛ
Найруулагч: Д.МӨЧИР, Х.АРВИНТАЛ
Эх сурвалж: Солонго Мэдээллийн Төв
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
