Нийслэлийн Баянзүрх дүүргийн 1-р хорооны нутаг дэвсгэрт байрлах РЦНК-ийн орчмын газарт өнгөрсөн 3-р сарын 21-нд Нийслэлийн засаг дарга Д.Сумъяабазар очиж ажиллан тухайн хэсгийг ногоон байгууламж болгон тохижуулах шийдвэр гаргаж тус хорооны удирдлагуудад үүрэг өгч байсан. Гэтэл тухайн газрыг ногоон байгууламжийг сүйтгэж, шороо асгаж эхэлсэн тул оршин суугч иргэд удаа дараа тэмцэж, энэ асуудлаар холбогдох байгууллагад шаардлага хүргүүлсээр байгаа юм. Тэгвэл өнөөдөр Мэргэжлийн хяналт болон БОАЖ-ын сайд Б.Бат-Эрдэнэ газар дээр нь ажиллаж, нөхцөл байдалтай танилцлаа.
Оршин суугчид:
"Оройн цагаар ногоон байгууламж бүхий энэ талбайд их хэмжээний шороо асгаж байна. Шороо ачиж ирж байгаа машинууд гэр хорооллын 3-4 айлын модон жорлонг сүйтгээд нүдэн дээр энд жорлонгийн хогийг асгасан. Бидэнд нотлох баримт нь бий. Тиймээс ч бичлэгийг нь холбогдох байгууллагуудад өгч, дүүргийн цагдаад гомдол гаргасан гэв.
БОАЖ-ын сайд Б.Бат-Эрдэнэ:
-Энэ талбайд анхнаасаа шороо асгуулахгүй, хуулийн хүрээнд ажил явах ёстой байсан. Гэтэл хууль зөрчсөний дараа нөхөн төлбөр төлж болдог гэдэг агуулгатай юм ярьж байна. Өөрөөр хэлбэл, хууль зөрчсөн үйлдэл гаргасныхаа дараа хуулийн дагуу ажиллана гэж тэр компани мэдэгдээд байдаг. Ингэж болохгүй.
Тухайн аж ахуйн нэгжийг дуудаад санал хүсэлтийг сонсох нь зүйтэй байх. Нэг талдаа аж ахуйн нэгжээ дэмжих ёстой. Гэхдээ хууль зөрчиж болохгүй. Захиргааны ерөнхий хуулиараа Нийслэлийн Засаг дарга цуцлах эрхтэй. Ямар хэмжээний мод тарих, төсөв нь ямар болох мэдээллээ гаргаж өгөөрэй. Энэ хавиа ногоон байгууламж болгох тал дээр бүгдээрээ ажиллая” гэв.
Төр.мн
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
