АЗХ-ны ерөнхийлөгч С.Эрдэнэболд тэргүүтэй залуус С.Эрдэнийг бүтцийн байгууллага зарсан хэмээн АТГ-т шалгуулах хүсэлт хүргэж, суулт зарлаж байгаагаа мэдэгдлээ.
АЗХ-ны залуучууд:
Монгол улс сүүлийн хоёр жил хөл толгойгоо алдаж, Монголд хууль хэрэгжихээ больчихсон. Эрх баригч МАН засаглаж чадахгүй байгааг харуулж байна. Үг хэлсэн болгоныг мушгин гуйвуулж нухчин дардаг тогтолцоо бий боллоо. Энэ тогтолцоо бий болсон нь Монголд сөрөг хүчин байхгүй байгааг харуулж байна. Ардчилсан намын лидерүүдийг толгой дараалан шоронд хийж хуулиар айлгадаг ийм тогтолцоо бий болсон.
АН-ын залуучууд хоёр асуудлаар АТГ-т хандаж байна. АН-ын тамганы маргаан дээр хоёр тал болсон хүмүүстэй холбогдуулж, гэмт хэргийн асуудал яригддаг. Үнэн, худал нь мэдэгддэггүй. Өнөөдөр АЗХ-ны гишүүд бид АТГ болон Нийслэлийн Прокурорын газарт хандаж байгаа.
Ардчиллыг Монголд бий болголцсон Ардчилсан нам нь үндэсний эв нэгдлийн илэрхийлэл болсон томоохон хүчин. Өнөөдөр энэ ажлыг хийхэд тодорхой хэдэн хүмүүс саад болж байна. Х.Баттулга гэдэг хүнтэй холбогдуулж маш олон төрлийн сенсац, дуулиан шуугиан нийгэмд явж байдаг. Хөгжлийн банкны асуудал, төмөр замыг гацаасан 80 их наядын асуудал гэж хууль зүйн сайд Х.Нямбаатар нь мэдэгдэл хийж ярилцлага хүртэл өгсөн. Энэ асуудал хууль шүүхийн байгууллагад ямар шатанд байгаа гэдэг дээр АТГ-т шаардлага хүргүүлнэ. Улмаар АТГ, Нийслэлийн прокурорын үүдэнд суулт хийнэ.
С.Эрдэнэ Ардчиллын арьс нөмөрсөн коммунист болчихсон. Сүүлийн хоёр жил АЗХ-оос энэ асуудлуудад оролцоогүй зөвхөн төвийг сахиж байсан. Ардчилсан намын 3.10.1.1 дээр АН нь УИХ-д хамгийн олон суудал аваагүй тохиолдолд Намын дарга, дэд дарга, ерөнхий нарийн бичгийн дарга бүрэн бүрэлдэхүүнээрээ огцорно гэсэн заалт байдаг. Өнөөдрийг хүртэл огцроогүй байгаа. Энэ байдлаа таслан зогсоохгүй бол залуучууд бид энд олноороо ирж суултаа өнөөдрөөс эхлүүлнэ гэдгээ мэдэгдэж байна” гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
