Өвөлжилтийг бэлтгэлийг шалгахаар өвлийн улирал хаяанд иржээ. Иргэд ч чадах чинээгээрээ идэш, тэжээл, түлшээ бэлтгэж байна. Монголчууд нэг өвлийн идэшиндээ 1 үхэр, 2 хонь хэрэглэдэг гэх албан бус судалгаа бий.
19 сая малыг эргэлтэд оруулна
Энэ онд 90 сая орчим мал бэлчээрлэж байна. Энэ удаагийн өвөл, хаврын тухайд 19.3 сая малыг эдийн засгийн эргэлтэд оруулах урьдчилсан дүн мэдээг ХХААХҮЯ-наас өгсөн. Түүнчлэн, Ерөнхийлөгч У.Хүрэлсүхийн санаачилсан “Хүнсний хангамж-Аюулгүй байдал” аяны хүрээнд таван хошуу малын түүхий болон дулааны аргаар боловсруулсан махыг экспортлохоор баталсан байна.
366 мянган тонн улаанбуудай хураав
325.5 мянган га-гаас 388.3 мянган тонн үр тариа хураажээ. Үүнээс 305.4 мянган га-гаас 366.1 мянган тонн улаанбуудай, 19.2 мянган га-гаас 208.8 мянган тонн төмс, 11.5 мянган га-гаас 130.9 мянган тонн хүнсний ногоо, 49.8 мянган га-гаас 129.7 мянган тонн тэжээлийн ургамал, 94.9 мянган га-гаас 39.0 мянган тонн тосны ургамал хураан авсан мэдээтэй байна.
Харин энэ оны тухайд эрчим хүч, дулааны салбар гал алдах эрсдэлтэй өвөл хүлээж байна. Салбарын сайд Б.Чойжилсүрэн “АРГАЛНА ДАА” хэмээж, олны эгдүүцлийг хүргэсэн. Тэгвэл бэлтгэл ажил ямар байна вэ?
Дулаан хангалт 94 хувьтай байна
Өнгөрсөн сарын 1-нээс аж ахуй нэгжүүдийн халаалтыг өгсөн. Тодруулбал, 2040 хэрэглэгчийг залгахаас 1880 хэрэглэгч буюу 2230 барилга, объектыг дулааны эрчим хүчээр хангаж, 94 хувийн гүйцэтгэлтэй байна. Мөн энэ оны өвөлжилтийн бэлтгэл ажил төлөвлөсөн хэмжээнд хангагдсан бөгөөд орон сууц, сургууль, цэцэрлэг, эмнэлэг албан газруудын дотор системийг сүлжээний усаар дүүргэх ажил үе шаттайгаар хийгдэж дуусчээ.
Хоногт 2000 тонн шахмал түлш үйлдвэрлэж байна
Нийслэлийн Агаар, орчны бохирдолтой тэмцэх газрын дарга Ц.Ганболд өвөлжилтийн бэлтгэл, сайжруулсан шахмал түлшний талаар мэдээлэхдээ “Улаанбаатар хотын хувьд агаарын бохирдлыг бууруулахтай холбоотой дөрвөн чиглэлээр үүрэг хүлээн ажиллаж байна. Үүнд сайжруулсан шахмал түлшний нөөц бүрдүүлэлт, тээвэрлэлт, борлуулалт, хяналт шалгалтын ажил багтаж байгаа. Одоогийн байдлаар баруун бүсийн үйлдвэрийн долоон шугам, зүүн үйлдвэрийн дөрвөн шугамаар хоногт 2000 тонн түлш үйлдвэрлэж байна. Цаашид хоёр шугам нэмнэ. Түлшний 116 мянган тонн нөөцтэй. Түлшний тээврийг 31 компанийн 300 гаруй тээврийн хэрэгслээр хийж байна. Энэ жил борлуулалтын 670 цэг нээхээр төлөвлөснөөс өдгөө 520 цэг ажиллаж байгаа. Цаашид үе шаттайгаар 150 цэгийг нээнэ” гэсэн
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
