"ДУХ" хочит иргэн Б.Цэцэг сайд нартай гар нийлж, тэднийг үй зайгүй ШҮҮМЖЛЭГЧЭЭС МАГТАГЧ болж "хувирчээ".
Ерөнхийлөгч У.Хүрэлсүхээс эхлээд Ерөнхий сайд Л.Оюун-Эрдэнэ, Хотын дарга Д.Сумъяабазар нарыг ШҮҮМЖИЛЖ, тэдний өөдөөс "САЛААВЧ" гаргаж явсан тэрбээр тэдэнтэй гар нийлэх болов. Ингэх ч шалтгаантай. Учир нь иргэн Б.Цэцэг Туул, Сэлбэ гол орчмыг сайжруулах төслийн удирдагчаар ажиллаж байна. Хэрхэн яаж төслийн удирдагчаар томилогдсон нь АНХААРАЛ татах аж. Тэрбээр цахим хуудаснаа "Сэлбэ голын урсацыг сайжруулах төсөл 8 жил гацсаны дараа Д.Сумъяабазар даргын санаачлагаар төслийн нэгж байгуулагдан төлөвлөгөөт ажлууд олон улсын түвшинд бэлтгэгдсэн баг бүрэлдэхүүнтэйгээр эхлэж байгаад талархалтай байна.
Мөн БОАЖЯ-ны сайд Б.Бат-Эрдэнээр бахархлаа. Шууд л Солонгосоор яриад хүндэтгэл үзүүлж, Сэлбэ төсөл дээр хувь нэмрээ оруулахаар ирсэн Солонгосын экспертүүдэд талархал илэрхийлсэн явдалд маш их баярлалаа" гэжээ.
Өөрийг нь магтсанд баярласан уу, БОАЖ-ын сайд Б.Бат-Эрдэнэ ч хариу магтсан байх юм.
Инфлюэнсерт ийнхүү "базагдана" гэдэг нь энэ үү? Өнгөрсөн зун ТОМЧУУДЫН хүлээн авалтад тэврэлдэн инээлдэж зураг татуулснаас хойш ЭЛ ҮЙЛ ЯВДАЛ эхэлсэн бололтой.
Төр, Засгийнханыг нэг нүдээрээ ч үздэггүй байсан Б.Цэцэг юу болов. Түүнд "хэдэн төгрөг", "ямар албан тушаал" амлав? гэх асуудал олны дунд хөвөрч байна.
Энэ тухай хуульч О.Батхүү твиттер хуудаснаа "Дух Цэцэгт ямар шалгуураар хэдэн тэрбум төгрөгийн төсөл өгснөө татвар төлөгчдөд тайлагнахыг хүсье. Их тэнгэрийн ХҮЛЭЭН АВАЛТАД очиж, дарга нарыг зогсоо зайгүй долоодог болсныг мэднэ. Бусдыг нь мэдэхгүй болохоор асууж байна" хэмээжээ.
Б.Цэцэг үнэхээр бор зүрхээрээ зүтгэж явна уу эсвэл "БЯЛУУ" хуваалцаж байна уу гэдэг нь олны анхаарлын төвд байна. БОАЖ-ын сайд Б.Бат-Эрдэнэ ээ, Нийслэлийн засаг дарга Д.Сумъяабазар аа! "Б.Цэцэг ямар шалгуураар төсөл удирдаж, түүнд хэдэн төгрөг "атгуулсан"-аа тайлагнаач!
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
