2008 оны долдугаар сарын 1-нд хохирсон хүмүүсийн ар гэрийн төлөөллүүд мэдээлэл хийлээ.
Хуульч Нямбасамбуу: 2008 оны 7 сарын 1-ний өдөр Монголын иргэд, Монголын цагдаа нарын хооронд маш том мөргөлдөөн гарч 1937-1938 оноос хойш төр иргэдрүүгээ буу шагайж байгаагүй явдал 7 сарын 1-ний өдөр буу шагайснаар давтагдаж Монголын түүхэнд маш том хар толбо үлдсэн.
“Монгол улсын их хурлын тавдах удаагийн сонгууль 2008 оны 6 сарын 30-нд орон даяар явагдаж Монгол ардын хувьсгалт нам 41 суудал , Ардчилсан нам 29 , бусад этгээд 4 суудал эзлэхээр дүн гарсан. Сонгуулийн санал хураалтын дүнг Ардчилсан нам, Бүгд найрамдах нам, Иргэний эвслийн удирдах хүмүүс хүлээн зөвшөөрөхгүй эрх баригчид буюу Монгол ардын хувьсгалт нам луйвардлаа хэмээн мэдэгдсэн байдаг. Улмаар 2008 оны долдугаар сарын 1-ний өдөр хэвлэлийн бага хурал хийж ардчилсан намын дарга Ц.Элбэгдорж , Бүгд найрамдах намын дарга Б.Жаргалсайхан , Иргэний хөдөлгөөний намын дарга Ж.Батзандан, О.Магнай нар ард түмэнг шударга бус сонгуулийн үр дүнг эсэргүүцэхийг уриалж төрд бухимдсан иргэд Сүхбаатарын талбайд үзэл бодлоо илэрхийлэхээр цуглаж эхэлсэн байдаг.
Энэхүү цуглаан нь амар тайван байдлаар эхэлсэн боловч жагсаал нь сүүлдээ хүчирхийлэл, үймээн, мөргөлдөөн болж 4 хүн буудуулж 1 хүн түймэрт өртөж нийт 5 хүн нас барж олон зуун иргэд цагдаагийн албан хаагчид гэмтэл авч зарим нь насан туршийн тахир дутуу болж, зарим нь эмчлүүлэх явцдаа амь насаа алдсан харамсалтай хэрэг гарсан.
Үймээний дараа цагдаагийн байгууллагаас үймээнд оролцсон гэж 800 гаруй гаруй иргэдийг барьсан ба түүнээс 200 гаруй иргэдэд шүүхээс ял оноож, цагдаагийн ажилтнууд зэвсэг хэрэглэж иргэдийн амь насыг хохироосон нь тогтоогдсон гэж үзэж тухайн үеийн цагдаагийн удирдлага генерал хурандаа нар эрүүгийн хариуцлага хүлээсэн боловч үймээний үед цагдаа иргэдийг буудаагүй. Хэрвээ буудсан байвал би хариуцлага хүлээнэ гэж тухайн үеийн
МУ-ын ерөнхий сайд С.Баяр, Хууль зүйн сайд Ц.Мөнх-оргил, жагсаал цуглаан үймээн хийхийг иргэдийг турхирсан Ц.Элбэгдорж, Б.Жаргалсайхан, Ж.Батзандан, О.Магнай нарын хүмүүс ямар ч хууль зүйн хариуцлага хүлээлгүйгээр өнөөдрийг хүртэл явсан байна. Иймд дээр дурдсан этгээдүүд болон тухайн үед шийдвэр гаргах өндөр албан тушаал хашиж байсан бусад этгээдүүдэд гэм буруу байгаа эсэх , хэрвээ гэм буруу байгаа бол түүнийг нь тогтоож зохих хууль зүйн хариуцлага хүлээлгэх, эсвэл гэм буруу байхгүй эсэх талаар мөрдөн шалгах ажиллагааг зохих хуульд тогтоомжид заасны дагуу дахин явуулж өгөхийг шаардаж байна” гэсэн ийм албан шаардлагагыг МУ-ын ерөнхий прокурорын газар, Цагдаагийн ерөнхий газар, Авилагтай тэмцэх газрдуудад хүргүүлж байна" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
