Цахим залилах гэмт хэргийн нөхцөл байдлын талаар ЦЕГ, Монголбанк, Монголын Банкны холбооноос мэдээлэв. Мөрдөн байцаах албаны Кибер гэмт хэрэг мөрдөн шалгах газрын дарга, Цагдаагийн хошууч Ж.Билгүүтэй,
"Залилах гэмт хэргийг өмнөх оны мөн үетэй харьцуулахад 97.3 хувь нэмэгдсэн. Гэмт хэргийн 88.2 хувийг зөвхөн цахим залилангийн гэмт хэрэг эзэлж байна.
Өөрөөр хэлбэл, дөрвөн гэмт хэрэг тутмын нэг нь цахим залилангийн гэмт хэрэг байна. Энэ төрлийн гэмт хэрэг нэмэгдсэн шалтгаан манай улсын нийт хүн амын цахим хэрэглээ өссөнтэй холбоотой. Манай улсад интернэт хэрэглэгчийн тоо 3.2 сая, фэйсбүүк хэрэглэгчийн тоо давхардсан тоогоор 2.8 саяд хүрсэн.
Энэ оны эхний арван сарын байдлаар залилах гэмт хэргийн улмаас 818.7 тэрбум төгрөгийн хохирол учирсан. Үүнээс 799.3 тэрбум төгрөгийн хохирлыг нөхөн төлүүлээд байна. Түүнчлэн, Цахим залилангийн хувьд эхний арван сарын байдлаар 19 тэрбум төгрөгийн хохирол учирсан. Жилээс жилд хохирлын хэмжээ, гэмт хэргийн гаралт өсөж байна” гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
