2021 онд улсын хэмжээнд 20 мянга гаруй золбин нохой, муур устгалд оруулжээ. Тэгвэл энэ онд золбин нохой, муур 36 мянгад хүрч, энэ хэмжээгээр тэдгээрт уруулж, хазуулсан гэх дуудлага мэргэжлийн байгууллагад ирэх болжээ. Нэг талдаа иргэдийн аюулгүй амьдрах эрхийг хангах нь зүйтэй ч нөгөө талдаа стандарт, хяналт чухал байна. Өөрөөр хэлбэл,
Сүүлийн үед “Айлын хашаанд “ТОМООТОЙ” байсан нохойг нь буудаад авчихлаа. Олон нийтийн газар хүүхдүүдийн хажууд нохой буудаж байна” гэх мэдээлэл “Азтай савар” ТББ-ын цахим групп-т байрших болсон.
Кэйс-1 буюу иргэн “Н”: Гачууртын ойролцоо амьдардаг эмээ минь хотын төв орж 2 хоночихоод ирэхэд хань болдог 2 нохойг хашаанд нь буудчихаад яваад өгчээ. Буудсан газар нь цус туначихсан, чирээд явсан мөр нь хаалгаараа гартал үлдчихсэн. Яасан ч хэрцгий юм бэ? Хоёулаа хүн рүү дайрдаггүй, хүүхдүүдтэй тоглоод сурсан, эмээтэй минь нэг нь 7, нөгөө нь 2 жил гаруй хамт байгаад сэтгэлд нь дассан хөөрхөн 2 амьтан байсан сан. Хэсгийн дарга нь “Эзэнтэй нохой буудаж болохгүй шүү” гэж байхад, “Хотын захиргаа эзэнтэй байсан ч хамаагүй бууд” гэсэн гээд буудчихаад яваад өгсөн.
Кэйс-2 буюу иргэн “О”: “Эзэнтэй, хүзүүвчтэй нохой буудаж байна. Манай нохойг өнөө өглөө буудаад, шархдуулсан. Золбин үгүйгээ ялгаж буудаач ээ. Хүйтэнд шархтай нохойгоо яаж эдгээх юм бэ” гэжээ.
Нийслэлийн Хог хаягдлын удирдлага, зохицуулалтын хэлтсийн мэргэжилтэн Б.Мөнхбаяр хэлэхдээ “Нийслэлийн ИТХ-ын тэргүүлэгчдийн 2016 оны тогтоолоор нэг нохойг 12 мянган төгрөгөөг тооцож устгах зардлыг тогтоосон байдаг. 2021 онд нийт нийслэлийн есөн дүүргийн хэмжээнд нийт 100 мянган нохой, муурыг устгахаар нийслэлийн төсөвт 1.2 тэрбум төгрөг батлагдсан.
Төлөвлөгөөний дагуу 80 орчим хувьд нь хяналтгүй нохойг устгадаг, үлдсэн 20 орчим хувьд нь муур багтдаг. Өдөр тутам устгалын үйл ажиллагаа тасралтгүй үргэлжилж байгаа" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
