Нийслэлчүүд жил бүрийн өвөлтэй урьтаж, "УТАА"-гаа санаж эхэлдэг. Санадаг гэдэг нь “Утаанаас хэрхэн салах вэ, яаж өөрсдийгөө хамгаалах вэ” хэмээн хэлэлцдэг гэсэн үг. Нийслэлээс гадна зарим аймаг, сумын төв ч утааны асуудалтай нүүр тулсан. Сүүлийн 10 жилд энэ талаар эрчимтэй ярих болсон билээ.
Тэгвэл 2012 онд Хотын даргаар Э.Бат-Үүл ажиллаж байх үед гэр хорооллын айлуудад “УТААГҮЙ” гэх төслийн зуух тараасан байдаг.
Гэтэл энэ жил тус зуухны ашиглалтын хугацаа дуусч байгаа аж. Зуух хэрэглэж эхэлсний дараа буюу 2013 онд Төслийн багийнхан “ЗУУХ” ашигласнаар агаарын бохирдол 20 хувиар буурсан” гэж тунхаглаж байлаа. Бодит байдал дээр утаа тэгтлээ буураагүй.
Дараагийн сүр “ДУУЛИАН”-тай ажил бол мэдээж, САЙЖРУУЛСАН шахмал түлш мөн. Анх гарахдаа л иргэдийн амь нас, эрүүл мэндийг хөнөөж байгаа хэл амыг дагуулсан. Буруутан нь иргэд болов. Учир нь шөнө унтахдаа “ХОТ” хэмээх бичигтэй угаар мэдрэгчээ унтраасан. Бүр “ГАЛ”-аа түлж чадахгүйгээрээ дуудуулаад авсан. Түлш ашиглаж эхэлсэн эхний жилдээ утаа буурч байгаа мэт харагдсан ч тийм биш. Нүдэнд харагдахгүйгээр “хүхэрлэг тоосонцорын хэмжээ” нь хэтэрч, иргэдийн эрүүл мэндэд заналхийлж эхэлсэн.
Харин өнгөрсөн даваа гарагийн Нийслэлийн Удирдах ажилтнуудын шуурхай зөвлөгөөний үеэр Нийслэлийн Агаарын бохирдолтой тэмцэх газрын дарга Ц.Ганболд “Сайжруулсан шахмал түлшний чанарын хувьд PM 2.5 тоосонцор 2021 онд 112 мкг/м3 агууламжтай байсан бол энэ жил 65 мкг/м3 байна. PM 10 тоосонцор өнгөрсөн онд дунджаар 164 мкг/м3 байсан бол энэ онд 122 мкг/м3 болж багассан. Хүхэрлэг хийн агууламж өнгөрсөн жил 142 мкг/м3 байсан, энэ жил 100 мкг/м3 байна. Агаарын чанар өнгөрсөн жилтэй харьцуулахад сайжирсан” хэмээн иргэдийн эгдүүцлийг хүргэсэн.
Үнэхээр агаарын чанар сайжирсан уу?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
