Монгол Улсын зургаа дахь Ерөнхийлөгчөөр сонгогдсон Ухнаагийн Хүрэлсүхийн Монгол Улсын Ерөнхийлөгчийн тангараг өргөх ёслолын ажиллагаа өнөөдөр Төрийн ордны “Их Монгол” танхимд боллоо.
Монгол Улсын Ерөнхийлөгчийн тангараг өргөх ёслолын өмнө шинэ сонгогдсон Ерөнхийлөгч Ухнаагийн Хүрэлсүх гэргийн хамт Их Эзэн Чингис хааны хөшөөнд хүндэтгэл үзүүлэв.
Тангараг өргөх ёслол, түүнд зориулсан УИХ-ын хүндэтгэлийн хуралдааныг УИХ-ын дарга Г.Занданшатар нээн үг хэлж, “Монгол Улсын Ерөнхийлөгч Монгол Улсын Их Хуралд тангараг өргөнө” хэмээн зарлан мэдэгдсэнээр тангараг өргөх ёслол эхэллээ.
Ёслолын эхэнд бүрэн эрх нь дуусгавар болж байгаа Ерөнхийлөгч Халтмаагийн Баттулга, шинэ сонгогдсон Ерөнхийлөгч Ухнаагийн Хүрэлсүх нар Төрийн ордны “Их Монгол” танхимын тайзнаа байраа эзлэв. Дараа нь УИХ-ын дарга шинэ сонгогдсон Ерөнхийлөгчийг тангараг өргөхийг урилаа.
Шинэ сонгогдсон Ерөнхийлөгч Ухнаагийн Хүрэлсүх индэрт очиж, Үндсэн хуулийн уг эх дээр баруун гараа тавьж, “Монгол Улсын тусгаар тогтнол, бүрэн эрхт байдал, ард түмнийхээ эрх чөлөө, үндэсний эв нэгдлийг эрхэмлэн хамгаалж, Үндсэн хуулийг дээдлэн сахиж, Монгол Улсын Ерөнхийлөгчийн үүргийг шударгаар биелүүлэхээ батлан тангараглая” хэмээн Монгол Улсын Ерөнхийлөгчийн тангаргийг дээдлэн дуудав. Үүний дараа шинэ сонгогдсон Ерөнхийлөгч тангаргийн бичигт гарын үсэг зурж, УИХ-ын даргад гардууллаа.
Шинэ сонгогдсон Ерөнхийлөгчийг Төрийн далбаанаас адис авсны дараа бүрэн эрх нь дуусгавар болж байгаа Ерөнхийлөгч Төрийн тамгыг хүндэтгэлтэйгээр өргөн барив. Шинэ сонгогдсон Ерөнхийлөгч Төрийн тамгыг хүндэтгэлтэйгээр гардан авч, адис аваад ширээндээ залав.
Үүний дараа иргэд, сонгогчдыг төлөөлж, БНХАУ, ЗХУ-ын баатар, “Чингис хаан” одонт, сансрын нисгэгч Ж.Гүррагчаа шинэ Ерөнхийлөгч Ухнаагийн Хүрэлсүхэд баяр хүргэн үг хэлж, хадаг, мөнгөн аягатай сүү өргөн барилаа.
Ийнхүү бүрэн эрх нь хэрэгжиж эхэлсэн Монгол Улсын зургаа дахь Ерөнхийлөгч Ухнаагийн Хүрэлсүх ард түмэндээ хандан үг хэллээ.
Дараа нь УИХ-ын дарга Г.Занданшатар бүрэн эрх нь дуусгавар болж байгаа Ерөнхийлөгч Халтмаагийн Баттулгад амжилт хүсэж, шинэ Ерөнхийлөгч Ухнаагийн Хүрэлсүхэд баяр хүргэн үг хэлснээр тангараг өргөх ёслол өндөрлөсөн юм.
Тангараг өргөх ёслолын дараа Монгол Улсын Ерөнхийлөгч Ухнаагийн Хүрэлсүх Төрийн Ёслол, Хүндэтгэлийн Их танхимд хүрэлцэн ирж, Төрийн их цагаан туганд хүндэтгэн ёслов.
Like
1
Зөв
0
0
Буруу
0
Воов
0
Уйтгартай
0
Дуртай
Ерөнхийлөгчөө ард иргэд короноогоор хэтэрхий их нас барсан байна. 500 хүн. Үдэр түргэн хатуу хөл хорио тогтоож ард иргэдийн амь наcыг хамгаалж өгнө үү! Оюунэрдэнэ Амарсайхан 2 маш буруу ажиллаж байна. Энэ 2 хүнийг төрөөс хурдан зайлуулж өгнө үү!! Мөн хариуцлага тооцож өгнө үү!! Хатуу хөл хорио тогтоогоод дарах ажлыг байлгаад байна шүү дээ. Компаний санхүү зээлийн асуудлыг төрөөс нааштай шийдэж өгөөд Короног хурдан дарахгүй бол ард түмэн чинь тахалд өртөх нь байна шүү. 30-60 хонгоор тогтоогоод хумжих юмыг хийхгүй байна шүү дээ. Хүний амь нас бүх юмнаас илүү үнэтэй шүү дээ...
Ерөнхийлөгчөө ард иргэд короноогоор хэтэрхий их нас барсан байна. 500 хүн. Үдэр түргэн хатуу хөл хорио тогтоож ард иргэдийн амь наcыг хамгаалж өгнө үү! Оюунэрдэнэ Амарсайхан 2 маш буруу ажиллаж байна. Энэ 2 хүнийг төрөөс хурдан зайлуулж өгнө үү!! Мөн хариуцлага тооцож өгнө үү!! Хатуу хөл хорио тогтоогоод дарах ажлыг байлгаад байна шүү дээ. Компаний санхүү зээлийy асуудлыг төрөөс нааштай шийдэж өгөөд Короног хурдан дарахгүй бол ард түмэн чинь тахалд өртөх нь байна шүү. 3 хонгоор тогтоогоод хумжих юмыг хийхгүй байна шүү дээ. Хүний амь нас бүх юмнаас илүү үнэтэй шүү дээ..
© 2013-2023. Вэб сайт бүтээсэн: Tsast Solution LLC
