Сүүлийн өдрүүдэд “Юнивишн” компани мэдэгдэхгүйгээр үнээ нэмлээ” гэх иргэдийн бухимдал цахим орчинд хөвөрч байна. Тэгвэл энэ талаар ШӨХТГ-ын дарга С.Мөнхчулуун мэдээлэл өглөө.
Тэрбээр “Манай байгууллагад “Юнивишн” компанийн үйлчилгээний үнэ нэмэгдсэн талаарх гомдлууд ихээр ирсэн. Энэ нь нийт гомдлын 90 гаруй хувийг эзэлсэн бөгөөд бид хяналт шалгалтыг хийлээ. Ингэхэд, “Зууны мэдээ” сонины аравдугаар сарын 30-ны дугаарт “2022 оны зургадугаар сарын 30-наас өмнө гэрээ байгуулсан иргэд, ААН-ийн үйлчилгээний төлбөр арванхоёрдугаар сарын 1-нээс нэмэгдэх болсныг анхааруулж байна” гэх мэдэгдлийг байршуулсан байв. Түүнчлэн, сонин дээр байршуулах нь зөв эсэх, “Юнивишн”, “Скаймедиа” компанийн гэрээний нөхцөл нь хэрэглэгчдийг хохироож, өрсөлдөөний боомилсон үйлдэл байгаад нэгдсэн хяналт шалгалт хийлээ.
Шалгалтын явцад Харилцаа холбооны тухай хуулийн 9-р зүйлийн 9.1.5-д “Харилцаа холбооны үнийн аргачлалыг батлах, хянаж батлах эрхийг ХХЗХ-нд олгосон” хэмээн заасан. Үүнтэй холбогдуулан ХХЗХ-нд албан бичиг хүргүүлэхэд, зөвшөөрөл өгөөгүй байхад үнээ нэмсэн нь тогтоогдлоо. Тиймээс дээрх асуудлыг ХХЗХ-ноос үргэлжлүүлэн шалгаж байгаа.
Харин асуудал үүсгээд буй “Юнивишн” ХХК-ийн гэрээнд “Үйлчилгээний үнэ тариф өөрчлөгдөх тохиолдолд ОНМХ болон өөрийн боломжит сувгаар зарлана” хэмээн заасан нь илэрсэн. Боломжит сувгаараа зарласан эсэхийг шалгахад, зөвхөн өдөрт 1800 хувь хэвлэгддэг “Зууны мэдээ” сонин дээр нийтлүүлсэн. Энэ нь хэрэглэгчдэд хангалтгүй бөгөөд зохисгүй үйлдэл юм. Боломжит суваг гэвэл хэрэглэгч зурагтаа асаахад гарчи ирдэг LOGIN хэсэгт энэ мэдээллээ байршуулахад бүгд харах боломжтой. Мөн ААН-д өөрт нь зардал гарахгүй. Энэ асуудал дээр зөрчлийн хэрэг нээн үргэлжлүүлэн шалгаж байна" гэсэн юм
Like
2
Зөв
2
1
Буруу
1
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
