Нийслэлийн Цагдаагийн удирдах газраас өчигдөр /2022.12.21/ орой цаг үеийн асуудлаар мэдээлэл өгсөн юм. Энэ үеэр НЦУГ-ын дарга О.Ганбат "Цагдаагийн байгууллага 17 хоног иргэдийнхээ амь нас, эрүүл мэндийг хамгаалах бүхий л нөхцөлийг хангаж, иргэдийнхээ үзэл бодлоо илэрхийлэх эрх чөлөөг дэмжиж ажилласан гэдгийг албан ёсоор хэлье. Тухайлбал,
Жагсагч иргэдэд СТӨ-г нээлттэй байлгаж, өрөө, заал, тасалгаа болон хурал зохион байгуулах танхимыг хүртэл гаргаж өгсөн. Гэвч үр дүнд хүрээгүй.
Харин өнөөдрийн тухайд иргэдийн амь нас, эрүүл мэндэд хохирол учирч болох эрсдэл байна гэж цагдаагийн байгууллага үзсэн учраас тодорхой хэмжээнд албаны үйл ажиллагаа явуулсан" гэв.
Түүнчлэн, "Нүцгэн суулт зарласан 30 иргэний нэгд осголтын шинж илэрсэн. Түүнд тодорхой эмчилгээ хийгээд явж байгаа. Найман иргэнийг Төрийн тусгай алба хаагчдын нэгдсэн эмнэлэгт хүргэж өгсөн. Гэвч иргэдийн ихэнх нь эмчилгээ, үйлчилгээ авахаас татгалзсан гэх мэдээллийг би сүүлд авсан.
Мөн тэдний дунд хоёр эмэгтэй байсныг өөрсдийнх нь хүсэлтээр ар гэр рүү нь явуулсан. Мөн насанд хүрээгүй буюу 16 настай нэг хүүхэд байсныг ар гэрт нь хүлээлгэж өгсөн. Мөн хүүхэд хамгааллын байгууллагад мэдэгдсэн.
Тэнд байсан иргэдээс архи согтууруулах ундаа болон хар тамхины сорил огтхон ч илрээгүй.
Бид мөн сүүлд 16 иргэнийг эмнэлгийн байгууллагад хүргэж өгсөн. Энэ үеэр тухайн иргэд явахгүй гэж татгалзан, зууралдсан нь нь баривчлах ажиллагаа явагдаж байгаа мэт буруу ойлголтыг бусдад төрүүлснийг албан ёсоор хэлье"
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
