Агаарын бохирдол, шахмал түлшний чанартай холбоотой асуудлаар Цаг уур орчны шинжилгээний газар, Орчны бохирдлыг бууруулах үндэсний хороо хамтран мэдээлэл хийлээ.
Цаг уур орчны шинжилгээний газрын Орчны шинжилгээний хэлтсийн дарга Ж.Батбаяр:
-Баярын өдрүүдэд буюу сүүлийн хоёр хоног Улаанбаатар хотод агаарын бохирдол нэмэгдсэн дүр зураг та бүхэнд мэдрэгдсэн байх. Агаарын бохирдлыг хоёр үзүүлэлтээр тодорхойлно. Агаарын бохирдол болон агаарын чанар. Бидний үйл ажиллагаа, бидний ахуй, дулааны энерги авах технологи нь агаарын бохирдлыг үүсгэх эх үүсвэр. Өөрөөр хэлбэл, ДЦС-аас авч буй эрчим хүчний эх үүсвэр, гэр хорооллын яндан, авто тээврийн хэрэгсэл, газрын гадаргын тоосонцор зэрэг Улаанбаатар хотод агаарын бохирдол нэмэгдэх хүчин шалтгаан. Энэ жил хүйтний улирал эхэлсэн аравдугаар сараас агаарын чанар бохирдлын түвшин бага байсан бол саяханаас ес эхэлснээр дулааны эрчим хүч шаардсан. Дээр нь баярын хоёр хоног агаар мандлын урвуу процесс бий болж, ес эхэлж их даралтын орон тогтож агаар орчин маш тогтуун бараг салхигүй, хотын хонхорхойд хүйтэн агаарын масс тогтох, нөхцөл үүссэн. Газрын гадарга дах хүйтэн агаарын масст, хүнд агаарын масс тунарахаар бөөгнөрөл өтгөрөл оршин тогтнох процесс бий болсон. Энэ бол сүүлийн хоёр хоногт гэр хорооллын ялгаруулж буй нэмэгдэл, байгаль цаг уурын хүчин зүйл нөлөөлж байгаа юм.
Бидний ахуйн нөхцлөөс ялгарч буй бохирдол байгаль цаг ууртай уялдаж өөр өөр байдлаар өтгөрөл бий болж, өнгөрсөн хоёр хоног агаарын бохирдол маш их байлаа. Энэ өдрийн нөхцөл байдлыг та бүгдэд тоон утгаар тайлбарлая.
Өөрөөр хэлбэл, агаарын бохирдлыг их агууламжийг бид 2022 оны буюу өнгөрсөн оны мөн үетэй харьцуулахад хүхэрлэг хий 658 микрометркубээс 660 болж 2 микрокубээр нэмэгдсэн байна. Өөрөөр хэлбэл, хүхэрлэг хийн хэмжээ асар бага буюу өнгөрсөн оны түвшинд байсан гэж хэлж болно. Азотын давхар исэл 170 мкубээс-177 болж хэмжээстэй байна. Хэмжилтийн багажууд нь олон улсад хэмжигдэж буй минут секундээр тасралтгүй хэмжиж байгаа.
Тайлбарлавал, Улаанбаатар хотын агаар орчны мандалд бохирдлын түвшин бага. Онцгой, хайлаастын ам, зурагтын хөндий, баянхошуу гэсэн уулын аманд гэр хорооллын утаа тодорхой хугацаанд оршин тогтнох нөхцөл байдалтай, алсын нөхцөл байдлаар илүү агууламж, тунарал ихтэй харагдах байдлаар тайлбарлагддаг. Тэгвэл толгойт, нисэх, шархад, амгалан гэсэн дүүрэгт бохирдолтой гэсэн индекс илэрхийлэгдэж байгаа.
ЦУОШГ-ын мэргэжилтэн Д.Өнөрбат:
Өнгөрсөн 7 хоногийн агаарын чанарын хяналт шинжилгээний дүнгээр Улаанбаатар хотын агаарын чанар 2022 оны 12 дугаар сарын 26-аас 2023 оны 01 дүгээр сарын 01-ний өдрүүдэд 13-р хороолол, Баруун 4-н зам, Амгалан, Цахилгаан станц, Мишээл экспо, Зайсан, Ургах наран хороолол орчим “Бага бохирдолтой”, 100-н айл, Толгойт, Нисэх, Зурагт, 5-н буудал орчим “Бохирдолтой”, 1-р хороолол орчим “Их бохирдолтой”, Налайх, Шархад, Хайлааст, Баянхошуу орчим “Маш их бохирдолтой” түвшинд хүрсэн байна.
Агаарын дундаж үзүүлэлт 2022 онд -3.3 градусаар илүү хүйтэрч, салхины хурд 0.7 метр секундээр нэмэгджээ. 2021 онд агаарын дундаж үзүүлэлт -18.5 градус байсан бол 2022 онд -21.8 градус байжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
