"Автобусанд гал түлж дулаацдаггүй, ХӨЛДСӨН эд ангиа гэсгээх арга хэмжээ авсан нь энэ"

Админ

2023-01-03

"Автобусны жолооч кабиндаа газ асаан дулаацаж байна" гэх бичлэг цахим орчинд цацагдсан. Тухайн асуудлыг "Зорчигч тээвэр гурав" ОНӨААТҮГ-аас тодруулсан юм.

"Зорчигч тээвэр гурав" ОНӨААТҮГ-ын инженер Ц.Мөнхбаатар хэлэхдээ,

"Бичлэг дээрх автобус нь 2009 онд БНСУ-д үйлдвэрлэгдсэн бөгөөд тухайн онд парк шинэчлэлээр ирж байсан 400 автобусны нэг юм. Өчигдөр 19:00 цагийн үед тухайн автобусны жолооч ээлжийн инженер рүү "Хийн системд хөлдөлт үүссэн, конс ажиллахгүй байгаа" талаар мэдэгдсэн.

Техникийн түргэн тусламж очих хугацаанд жолооч замаа чөлөөлөх зорилгоор автобусаа асаахаар буруу ажиллагаа хийсэн. Өөрөөр хэлбэл, хөлдөлтөөс болж хий алдсан тормозны болон бусад аппарат руу газ асааж, бүлээсгэх оролдлого юм. Олон жил болсон автобусанд доголдол их гардаг. Гэхдээ автобусандаа гал түлж, дулаацаагүй. Жолооч түгжрэл үүсгэхгүйн тулд автобусаа хөдөлгөхөөр анхан шатны арга хэмжээ авсан нь энэ.

Одоогоос 10 жилийн өмнө төмөр утасны үзүүрт түлш асгасан даавуу уяад гал асааж, хөлдөлтийг гаргадаг байсан. Өвлийн улиралд хийн системтэй автобусанд хүндрэл их гардаг.

Манайд 2009 онд үйлдвэрлэгдсэн 30 автобус байдаг. Үүнээс иргэдэд үйлчлэх боломжтой, аюулгүй гэж үзсэн 12 автобус л үйлчилгээнд гардаг. Эдгээр нь 14 жил явсан, бараг нэг сая км явсан. Хуучирсан учраас дотор нь паар ажиллуулсан ч хүйтэн байдаг" гэсэн юм.

Нийт сэтгэгдэл 2

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

зочин - 2 жил өмнө

хариулах

урт хөх автобус зүгээр л мөсөн хонгил. драгоноос бөхийн өргөө хүрэх гэж явчингаа алдсан..

Хонгорзул - 2 жил өмнө

хариулах

Үнэн бүтэхгү газар танай 1бааз чинь өвлийн хүйтэнд хөлдсөн автобус доор орж баллон газдаж гэсгээж байсан захиргааны ажилтандаа тэр чигээр нь бяц дайрж алсан ялзарсан байгууллага шүү дээ????.