ОНИГОО: Шүүх хурал болж нурсан байшингийн буруутныг олохоор болов.
Элс: Би хийсэн хэмжээгээр нь орсон гэв.
Хайрга: Чадлаараа тэнд байсан гэв.
Тоосго: Би өрсөн дарааллаар нь байсан гэлээ.
Бүгд цементийг буруутгав.
Цемент: Би тэнд байгаа ч үгүй гэв.
Хаха, ийм онигоог та сонсож л байсан биз. Энэ гэхдээ онигоо биш шүү! Бодит амьдрал гэхэд хилсдэхгүй.
Байшин барих хэрэг гарлаа, зам тавих шаардлага үүслээ. Гэтэл гол материал болох цемент тэнд байсангүй.
Яагаад байгаагүйг тодруулбаас эд ачаалал, идэвхтэй үед цементийнхээ үйлдвэрийг “ХААЧИХААД” арслангийн зураг шэйрлэж, шонхрын зураг аваад явж байсан Төрийн өмчийн даргатай аж.
Ингээд л энэ салбар шалдаа бууж, Төрийн “булаан” авсан Хөтөл “дахин” дампуурах дээрээ туллаа. Дахин гэж хэлэх учир нь өмнө нь ТӨР энэ үйлдвэрийг дампууруулж байлаа. Төрийн мэдэлд байх үед Хөтөлийн "Цемент шохой" ТӨХК нойтон аргын үйлдвэрийг ашигладаг байсан. Хоцрогдсон энэ үйлдвэр ашиглагдахаа больж, зогссон байдаг. Ингээд Төр “цааш барахгүйд” хүрч шинэ технологийн үйлдвэр байгуулаад өг гээд концессийн гэрээгээр хувийн хэвшилд шилжүүлсэн байдаг юм байна.
Ингээд цоо шинээр хуурай аргын үйлдвэрийг дэргэд нь босгож авто зам, төмөр зам, эрчим хүчний дэд станцыг барьж байгуулжээ.
Энэ үедээ үйлдвэр хэвийн ажиллаж, асар их хэмжээний санхүүжилтийг зарцуулсан байх үед гэнэт ТӨР энийг “ДЭЭРЭМДЬЕ” гэж санаад булаан авсан нь одоо Л.Наранбаатарын удирдаж буй Хөтөлийн "Цемент шохой" компани юм. Яг л энэ үед Улс төрчид Сонгуулиар зарцуулсан мөнгөө хэрхэн яаж нугалж олж авах вэ гэдэг дээрээ “улайрч” байсан үе. Энэ үед нүдэнд нь Хөтөлийн "Цемент шохой" үйлдвэр харагдсан нь энэ ээ.
Төрд очсон энэ үйлдвэр удахгүй нэг жилийн нүүр үзэх гэж байна. Гэхдээ ӨӨДӨЛСӨН зүйл алга. Мэргэжлийн боловсон хүчний дутагдалд орж, цементийн зах зээлээс “шахагдаж”, эхнээсээ үйлдвэр, агуулахын зарим хэсэг эвдэрч эхэлжээ.
Л.Наранбаатар “ХЭТ ПОП” болохоос хийдэг нэгэн биш аж.
Удахгүй ашиггүй ажиллаж байсан гэх нэрээр тэдний “ЦӨЛМӨХ АЖИЛЛАГАА” эхэлнэ. Төрд очсон үйлдвэр ингээд “МАНАН”-гийн гараар орж дуусдаг жамтай.
Гэртээ 10 тэрбум төгрөг хадгалж байдаг, бүлэглэлээрээ нүүрс хулгайлж, цөмөлж байдаг, дарга нар нь төрийн мөнгийг ББСБ-аараа угааж, баялагийг цөөн хэдхэн нь хүртэж байдаг ийм ТӨРД өмч огт хэрэггүй. Төрд “янаглах хорлох”, “уралдан дайрах”” өмч байгаа учраас УЛС ТӨРЧИД улайран дайрч байна. Үнэндээ хэсэг бүлэг 30 гэр бүлийг Монголын ард түмний өмч хөрөнгөөр тэжээн, тэтгэж, хооллож СУУХЫГ хүсэхгүй л байна шүү. Энэ зарчмаар "ХӨТӨЛ" бүлэглэлийн гарт орно гэхээс халаглаж сууна.
Сайн менежер болохоор Л.Наранбаатарыг Хөтөлийн "Цемент шохойн" үйлдвэрийн захиралаар томилсон юм биш. Бусдын өмнөөс хичээнгүйлэн “ОРИЛСОН” тул шагнал болгож энэ үйлдвэрийг "өгсөн". Бас Сайн ах нар “ЮМАА ЗОХИЦУУЛАХ” гэж “утсан хүүхэлдэй” болгож томилсон гэж намынхан нь ярьж байна.
Хөтөлийн үйлдвэрийн буянаар хичнээн “БИЙЛЭГЖҮҮ АВЛИГАЧИД” төрөн гарч, гэрээс нь хичнээн тэрбум төгрөг “олдох”-ыг ТААШГҮЙ.
Төр.мн
Like
0
Зөв
0
1
Буруу
1
Воов
0
Уйтгартай
1
Дуртай
Иргэн.
© 2013-2023. Вэб сайт бүтээсэн: Tsast Solution LLC
