Төрийн түшээдэд ёс зүй, хүмүүжлийн "СУРГАЛТ" оруулъя!!!

Админ

2 Жилийн өмнө

Иргэдийг төлөөлөн Төр түшилцэж буй УИХ-ын гишүүдэд ёс зүй, хүмүүжлийн СУРГАЛТ орохгүй бол болохоо байлаа. Үе үеийн парламентийн гишүүдэд хүчин, хулгай, архидан согтууралт, "ХҮҮХЭН ШУУХАН" гээд холбогдохгүй хэрэг тэдэнд алга. Ангийн дарга нь буюу УИХ-ын дарга Г.Занданшатар болон Ёс зүйн байнгын хорооны дарга Б.Баттөмөр нар мэдээгүй юм шиг л өнгөрөх...

Кэйс-1: Ч.Ундрамын гэр бүлийн хүчирхийлэл

УИХ-ын гишүүн Ч.Ундрамын нөхөр Б.Наранцацралт нь цахим орчинд ээлж дараалан бичлэг дэлгэсэн. Эхний бичлэгт Ч.Ундрам нь гэртээ агсам тавин нөхөртэйгөө хэрэлдэж, хүүхэд нь жижиг өрөөндөө уйлан сууж байгаа тухай гардаг. Төд удалгүй "NTV" телевизийн "Улаан бал" нэвтрүүлэгт оролцон өөрийгөө өмөөрч матрын "нулимс" унагаад авсан. Иргэд ч талцаж, нэг хэсэг нь өмөөрсөн бол нөгөө хэсэг нь шүүмжлэв. Дараагийн бичлэгт тэрбээр гэртээ өдрийн цайны үеэр охиноо "Би чамайг тэжээж байхад өөдөөс үг хэллээ. Зайл!" хэмээн загнаж, сандалтай нь тонгорч буй үзэгдэл гардаг. Хэдийгээр энэ нь бусдлын амьдрал боловч Төрийн түшээ хүн асар их хариуцлага үүрч, биеэ зөв авч явах шаардлагатай. Цааш нь яривал "Гишүүн та ч иргэдийн дундаас сонгогдсон тул Монголын төрөөс явж болно".

Кэйс-2: Д.Ганбат, О.Цогтгэрэл нар "МУУДАЛЦАВ"

Өнгөрсөн долоо хоногийн пүрэв гараг /2022.01.05/-т Засгийн газар зарим сайдаа томилох гээд бужигнах зуур "зодоон" болсон "шуум" дэгдэв. Тодруулбал,

Б.Пүрэвдорж гишүүний өрөөнд Д.Ганбат, О.Цогтгэрэл гэх гишүүд муудалцаж, нэгэн рүүгээ "чихрийн таваг"-аар далайсан гэх. Улмаар ХЗДХ-ийн сайд Х.Нямбаатар салгаж, Төрийн тусгай алба хаагчдыг өрөө рүү нь оруулав.

Гишүүд өөрсдөө хэлэхдээ "Сүртэй асуудал болоогүй. Багахан үл ойлголцол гарсан" гэв. Хоёр гишүүний хувьд АН-ын бүлгийн даргын өрөө, суудлаа булаацалдаж явсан удаатай.

Кэйс-3: Э.Бат-Амгалан нь Б.Пүрэвдоржид "АГСАМ" тавив

Өчигдөр /2022.01.10/ УИХ дахь Хууль зүйн байнгын хорооны хуралдааны үеэр УИХ-ын Э.Бат-Амгалан нь Б.Пүрэвдорж руу "Ховдын Пүүжээ "П"-г ална аа. Гараад ир, чи!" хэмээн агсарсан гэж гэрчүүд ярьж байна.

Төрийн ордон руу нэвтрэхэд хувцаслалт, халаасан дахь эд зүйлсээ нэг бүрчлэн шалгуулдаг атал, гишүүд хаагуур нь архи авч орж эсвэл согтуугаар нэвтрээд байна вэ? Энгийн иргэдэд тавьдаг хяналтаа гишүүдэд тавьж, тэднийг тусгай "сургалт"-д хамруулъя...

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.