Таны хүүхэд, бидний ирээдүй болсон бяцхан үрс эхний амьсгалаа авахаасаа ч өмнө ийнхүү агаарын бохирдлын золиос болж буй нь маш харамсалтай. Шотландын Абердин Их сургууль болон Бельгийн Хасселт Их Сургуулийн эрдэмтэд хамтран чухал судалгааг хийжээ.
Тэд төрөөгүй нярайн уушги, элэг болон тархи гэх мэт эрхтнүүдээс хорт тоосонцор илрүүлсэн байна. Миллиметр эд эс тутамд мянга мянган ширхэг нүүрстөрөгчийн хар тоосонцрууд хэмжигджээ.Эдгээр тоосонцрууд эхийг жирэмсэн байх үед амьсгалсан агаараар цусанд нэвтэрч цаашаа ихсээр дамжин урагт хүрсэн байна.
Агаарын бохирдол нь төрөлтийн эндэлт, дутуу төрөлт, нярай хэт бага жинтэй төрөх, тархины гэмтэлтэй төрөхөд нөлөөлдөг гэдгийг эрдэмтэд мэдэж байсан. Харин шинэ судалгаа эдгээр нөлөөг хэрхэн үүсдэгийг нарийн харууллаа. Өмнө нь агаарын бохирдлын нөлөө урагт яаж нөлөөлдгийг шууд судалж байгаагүй бөгөөд энэ удаа судалгааны баг эндсэн болон үр хөндсөн ургуудад зөвшөөрөл авч, судалгаа хийжээ.
Энд яригдаж буй хорт тоосонцор гэж юуг яриад байна вэ? Нүүрстөрөгч суурьтай шатахууныг шатаах үед зарим хэсэг нь маш нарийн ширхэгтэй тоосонцор болж агаарт үлддэг. Харин эдгээр нь олон төрлийн химийн нэгдлийг өөртөө агуулсан байдаг.
Жишээлбэл хүнцэл (As), хар тугалга (Pb), Нитрат (NO3-), Сульфат (SO₄²-), Органик болон Хар нүүрстөрөгч г.м
Аюултай нь эдгээр элементээс бүрдсэн гэхдээ асар өчүүхэн, хүний үснээс 30 дахин жижиг ширхэгтэй эдгээр тоосонцрууд амьсгалын замаар маш амархан хүний биед нэвтэрдэгт байгаа юм.Гэхдээ уг судалгаа агаарын бохирдол харьцангуй бага орнууд болох Шотланд болон Бельгид тамхи татдаггүй эхчүүд дээр хийгдсэнийг онцлох хэрэгтэй.
Судалгааг хийсэн эрдэмтдийн хэлж буйгаар:
“Ураг эхийн хэвлийд байх үе бол хүний бие махбодын хамгийн эгзэгтэй бөгөөд эмзэг үе байдаг. Гэтэл хүний биеийн хамгийн чухал эрхтэн болох тархинд хүртэл нөлөөлж байна гэдэг нь эрсдэлийг улам нэмэгдүүлж буй асуудал”. Бүр аюултай нь “эдгээр нано тоосонцрууд хүний биед удаан хугацаанд оршихдоо химийн нэгдлүүдээрээ задрах нь цаг хугацааны асуудал. Харин тэр үед юу болдгийг одоогоор бид нарийн мэдэхгүй байна. Урт хугацааны судалгаа хэрэгтэй” хэмээжээ.
Агаарын бохирдлыг бууруулах нь хэдийгээр Засгийн Газрын хариуцах ажил ч гэлээ хувь хүмүүсийн хандлага мөн чухал нөлөөтэй.Бид хувьдаа өөрсдийн эрүүл мэнддээ анхаарах, гадаа орчинд байхдаа шүүлтүүртэй маск зүүх, жирэмсэн эх болон бага насны хүүхдийг аль болох цэвэр агаарт байлгах зэрэгт анхаарах хэрэгтэй. Энд харамсалтай нэгэн харьцуулалтыг хийхэд дээр дурдагдсан судалгаа хийгдсэн орнууд болох Шотланд болон Бельгийн хувьд агаарын чанарын индекс хамгийн муудаа 10-20 той байдаг бол Улаанбаатар хотын хувьд 100-200 хүрэх нь өвлийн улиралд энгийн үзэгдэл болоод байна.
Гэхдээ энэ бол энгийн үзэгдэл биш стандартыг хэт давсан аюултай үзэгдэл билээ. Харин манай орны ард иргэдийн тал орчим хувь нь энэ агаараар амьсгалсаар...
Like
0
Зөв
0
0
Буруу
0
Воов
2
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
