"Улс төр, эдийн засаг, эрх зүйн шийдэл, нийгмийн зөвшилцөл" чуулга уулзалт Төрийн ордонд болж буй. Энэ үеэр оролцогчдын илэрхийлсэн байр суурийг тоймлон хүргэж байна.
"Үнэн ба зөв" намын дарга А.Отгонбаатар: Та нар өнөөдрийг хүртэл дандаа хүнтэй тэмцсэн. Н.Энхбаяр, М.Энхболдыг хөөвөл сайхан болно гэсэн. Гэтэл өнөөдөр ямар байна вэ? Тогтолцоогоо өөрчлөх цаг болсон. Намайг Ерөнхий сайдын хүн гэж ярьдаг. Гэтэл надад лайваас өөр нөхөр алга. Сэтгүүлчид надаас ярилцлага авахгүй байна. Надад ярих боломж олгооч.
Жүжигчин У.Цогтбаяр: МАН иргэдийн хамгийн том дайсан боллоо. Бид нэг сар тэмцлээ, гадаа хөлдүү цементэн дээр хэвтлээ. Бид МАН-ыг татан буулгахын тулд тэмцэнэ гэдгээ мэдэгдье. Та нар хүссэн хэргийн материалаа ил болгодог юм байна. Гэтэл бидэнтэй хамт тэмцсэн нэг эгчийг 25 хоног хорилоо. Нүүрсний хулгайн улмаас 40 их наядын төгрөгийн хохирол учирсан гэж ярьж байсан бол одоо 70 их наяд гэдэг тоог эрдэмтэд хэлж байна. Тагнуулын ерөнхий газар, Цагдаагийн газар надад гомджээ. Би 5 удаа байцаалт өгсөн. АН ч ялгаагүй хулгайч. Ерөнхий сайд та залуустай хамт жагсах хэрэгтэй.
БНН-ын дарга Б.Жаргалсайхан: Төр төмбөгөр, ёс ёмбогор гэж үг бий. Жагсаж буй залуус даналзаад л байх юм. Бид ч талбай дээр 100 мянган хүн цуглуулж жагсаж байлаа. Залуус аа, та нар ажил хийгээч. Татвар төлж буй иргэдийн мөнгөөр та нар халамж авч байгаа биз дээ. Энэ талаар яагаад ярихгүй байгаа юм. Жагсаж байна гээд хүн загнаж, томорч байгаад чинь шал дургүй хүрчихлээ. Талбай дээр гарсан хэдэн нөхөд ярих юм бол энэ хурлаас гаръя. Та нар энд тэндээс мөнгө авч жагсаж байгааг чинь сонссон. Гудамжинд нийгмийн асуудал шийддэггүй юм. Долдугаар сарын 1-ний дараа би 45 хоног шоронд суусан юм. Битгий онгир та нар.
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
