И.Мөнхжаргал: Хэн ч танихгүй хүмүүс ҮБХ-ны гишүүн гэдэг нэрийг эдлэх гэж байгаа нь Ардчилсан намын дүрэмд ерөөсөө нийцэхгүй байна

Улс төрийн намууд

И.Мөнхжаргал: Хэн ч танихгүй хүмүүс ҮБХ-ны гишүүн гэдэг нэрийг эдлэх гэж байгаа нь Ардчилсан намын дүрэмд ерөөсөө нийцэхгүй байна

Сэтгүүлч I Төр.мн

2023-01-13

Ардчилсан намын ерөнхий нарийн бичгийн дарга И.Мөнхжаргал хэвлэлийн бага хурлынхаа үеэр "Үндэсний бодлогын хорооны гишүүд ч гэсэн анхан дунд шатаас сонгогддог. Өнөөдрийн үндэсний бодлогын хорооны хуралдаан дээр анхан шатны намын гишүүдээс нэг ч удаа санал аваагүй, нэг ч хүн сонгоогүй, хэн ч танихгүй хүмүүс очиж үндэсний бодлогын хорооны гишүүн гэдэг нэрийг эдлэх гэж байгаа нь ардчилсан намын дүрэмд ерөөсөө нийцэхгүй байна.

Энд анхан дунд шатны гишүүд асар их бухимдалтай байгаа.

Тиймээс намын бүлэгт тов тодорхой саналыг хэлж байна. Аливаа асуудлыг шийдэхдээ ардчилсан намын эв нэгдлийг сахиж, анхан шатны гишүүдийн эрхийг эдлүүлж, тэдний үзэл бодлоо илэрхийлэх боломжийг олгож бүх маргаантай асуудлуудаа хамтарсан намын их хурал дээрээ асуудлаа шийдье гэдгийг уриалмаар байна. Юм оройтохгүй. Ардчилсан намын даргыг түр орлож байгаа, өнөөдөр тушаал нь гарч намын их хурлыг товлон зарлалаа.

Хоёрдугаар сарын 18-ний өдөр их хурлаа хийнэ. Энэ хурал дээр ирж маргаантай бүх асуудлаа шийдье гэдэг уриалгыг хүргүүлмээр байна. Ардчилсан намд маргалдагч хоёр тал байсан хүн болгон мэдэж байсан. Энэ хоёр тал ажлын хэсэг байгуулаад хоёр сарын хугацаанд ажиллаад дэвшил гарч байгаа.

Яагаад гэвэл хамтарч их хурлаа хийхээр тогтож, хамтарч үндэсний бодлогын хороо бүрдүүлье, Улсын их хурлын сонгуульд хамт оръё, нэр дэвшиж байгаа хүмүүсээ анхан дунд шатны гишүүдээс асууж байгаад социологийн судалгаан дээр суурилаад нэг нэр дэвшилтэй орж Ардчилсан нам гэдэг туг дор нэгдье гэдэг уриалгыг дэвшүүлсэн. Бүлгийн зүгээс санаачилсан эв нэгдлийн ажлын хэсгийг талархан хүлээж авсан. Бүлгийн гишүүд нэгэн цул болоод ойлголцохыг хүссэн.

Гэвч харамсалтай нь намын эрх мэдлийг хуваарилсан байдаг. Намын үндэсний бодлогын хорооны хурлыг зөвхөн намын дарга, ҮБХ-ны дарга, УТЗ намын даргын эзгүйд дэд дарга зарлахаар эрх мэдлийн хуваарилалт хийсэн байгаа.

Гэтэл өнөөдрийг хүртэл УБХ хурал зарласан тогтоол шийдвэр гаргахгүй байгаа. Монгол улсын ерөнхийлөгч зарлиг гаргадагтай адилхан намын дүрэм ийм зарчмаар явдаг. Гэтэл тийм эрхгүй хүн хурал заралцан байна гэдэг нь ерөнхийлөгч зарлиг гаргаагүй байхад өөрийгөө ерөнхийлөгч гээд бодсон хүн зарлиг гаргасантай адилхан зүйл болсон" хэмээн хэллээ.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Irgen - 2 жил өмнө

хариулах

Hen ch namin alban tushaal erh medelgui ta nar harin ochiod ugee heleh oroltsoh erh bgaa shuudee hunii gar hol bolj yvahaa bol man in zaluuchuud tsig sugani tsunh barigchid shorongiin haalga fataj bgaa shuu ooriin uzel bodoldoo unench yav.